Fréttir

Eins og fram kom í fréttum í dag verður grunnskólum landsins lokað frá og með morgundeginum. Frístund verður einnig lokuð þennan sama tíma eða til 1. apríl. Við munum láta vita hvernig skólastarfi verður háttað eftir páska þegar við vitum hvernig staðan verður. Starfsfólk Naustaskóla óskar nemendum og foreldrum gleðilegra páska.

Hér koma nokkrar myndir frá vel heppnuðum degi.

Við minnum á að á mánudaginn er starfsdagur og því enginn skóli en Frístund er opinn kl. 08:00 - 16:00 fyrir börn sem þar eru skráð.

Á morgun, miðvikudag hefst vetrarfrí í öllum grunnskólum á Akureyri í þrjá daga. Frístund er lokuð miðvikudag, en opin frá kl. 13:00-16:15 fimmtudag og föstudag fyrir þá sem þar eru skráðir. Vonum að allir hafi það sem best í fríinu.

Kæru foreldrar/forráðamenn. Gleðilegt nýtt ár! Það er með mikilli gleði sem við tilkynnum að á morgun 5. janúar munum við hefja hefðbundið skólastarf að nýju. Allir nemendur mæta kl. 8:10 og ganga inn um sína vanalegu innganga inn í skólann. Kennt verður samkvæmt stundarskrá – það þýðir að við munum kenna sund, íþróttir og sérgreinar sem við þurftum að fella niður síðustu tvo mánuði og nemendur verða í skólanum fullan skóladag. Einnig getum við boðið öllum nemendum sem skráðir eru í mat að borða. Skólinn mun opna kl. 7:45 Valgreinar á unglingastigi hefjast 12. janúar. Að sjálfsögðu þurfa allir bæði nemendur og starfsfólk að huga vel að sóttvörnum, handþvotti og sótthreinsun. Ekki er lengur grímuskylda hjá nemendum. Við hlökkum til að taka á móti öllum nemendum okkar kl. 8:10 á morgun. Með kveðju og von um eðlilegt og farsælt skólastarf næstu mánuði. Skólastjórnendur Naustaskóla Bryndís, Aðalheiður og Heimir Örn

Kæru foreldrar/forráðamenn Litlu jólin í Naustaskóla verða með aðeins breyttu sniði í ár. Við leggjum upp með að hafa huggulega stund inn á því svæði sem nemendur hafa verið á síðustu vikur. Það verður kakó og piparkökur í boði fyrir nemendur en þau mega einnig taka með sér auka nesti. Helgileikurinn verður síðan sýndur á skjá en hann verður tekinn upp á fimmtudeginum. Það er óhætt að segja að í hópi 4. bekkjar eru mjög margir efnilegir söngvarar og teljum við nokkuð öruggt að einhverjir muni ná langt í sönglistinni Foreldrar 4. bekkjar fá senda slóðina í tölvupósti á föstudeginum og geta því sest niður með börnunum og horft með þeim á helgileikinn með jólaöli og smákökum! Því miður verður ekki dansað í kringum jólatréð í ár en við deyjum ekki ráðalaus og munu tveir starfsmenn skólans vera með live tónleika í gegnum teams forritið. Það fá allir nemendur texta með jólalögunum og við höfum fulla trú á því að það verði frábær jólastemning á jólatónleikum Naustaskóla. Tímasetningar á litlu jólum. 1. hópur mætir Kl: 8:30 – 10:00. Það eru nemendur í 1. – 3. bekk. Þau mæta á sín heimasvæði spariklædd og hafa huggulega stund með umsjónarkennara. Í boði verður kakó og piparkökur, helgileikur sýndur á skjá, live jólatónleikar og að lokum höfum við heyrt að nokkrir þrælskemmtilegir jólasveinar muni kíkja á krakkana. 2. hópur mætir kl: 8:30 – 10:00. Það eru nemendur í 4. bekk og nemendur í 6. bekk. Þau mæta á sín heimasvæði spariklædd og hafa huggulega stund með umsjónarkennurum. Í boði verður kakó og piparkökur, helgileikur sýndur á skjá, live jólatónleikar o.fl. 3. hópur mætir kl. 10:10- 11:40. Það eru nemendur í 5. bekk og nemendur í 7. bekk. Þau mæta á sín heimasvæði spariklædd og hafa huggulega stund með umsjónarkennurum. Í boði verður kakó og piparkökur, helgileikur sýndur á skjá, live jólatónleikar o.fl. 4. hópur mætir kl. 9:00 – 10:30. Það eru nemendur á unglingadeild. Þau mæta á sín heimasvæði spariklædd og hafa huggulega stund með umsjónarkennurum. Í boði verður kakó og piparkökur, helgileikur sýndur á skjá, live jólatónleikar o.fl. Ef eitthvað er óljóst varðandi litlu jólin og skipulagið þann 21. desember þá má hafa samband við umsjónarkennara. Kær kveðja og gleðileg jól, Stjórnendur Naustaskóla