Fréttir

Skipulag skólaslitadags föstudagsins 3. júní : • Kl. 09:00 mæta nemendur 1,3,5, og 9.bekkjar á sal skólans og fara síðan inn á sín svæði. • Kl. 11:00 mæta nemendur 2,4,6 og 8.bekkjar á sal skólans og fara síðan inn á sín svæði. • Frístund er lokuð á skólaslitadaginn. • Útskrift 10.bekkjar fer fram á sal skólans kl. 15:00 – að henni lokinni er kaffihlaðborð í boði foreldra 9. bekkinga. Útskrift 10. bekkjar Foreldrum og ættingjum 10. Bekkjar er boðið til útskriftarathafnar 10. bekkjar á sal Naustaskóla föstudaginn 3. júní kl. 15:00 Að útskrift lokinni verður boðið upp á kaffiveitingar. Við vonumst til að þið sjáið ykkur fært að koma og gleðjast með útskriftarnemendum á þessum tímamótum.

Samkvæmt veðurspá í dag mun veðrið versna um hádegisbil og eru foreldrar og forráðamenn beðnir um að fylgjast með veðrinu. Mikilvægt er að foreldrar hugi að heimferð barna sinna á þeim tíma.

Í dag opnar Frístund kl. 13:00 fyrir þau börn sem eru skráð í Frístund.

Á fundi aðgerðarstjórnar Almannavarna á Norðurlandi eystra núna seinnipartinn var þeim tilmælum beint til sveitarfélaga að aflýsa á morgun öllu skólahaldi í leik-, grunn- og tónlistarskólum á grundvelli veðurspár. Búist er við að bæði veðurhæð og aðstæður á okkar svæði verði með þeim hætti að enginn ætti að vera á ferli þegar veðrið gengur yfir. Því hefur verið ákveðið að fella niður skólahald bæði í leik- og grunnskólum Akureyrar og tónlistarskólanum á morgun mánudaginn 7. febrúar. Allt starfsfólk er beðið um að halda kyrru fyrir heima meðan veðrið gengur yfir. Aðgerðarstjórn mun fylgjast með framvindu mála og senda út tilkynningu þegar óhætt verður að vera á ferli.

Við óskum ykkur gleðilegs árs og þökkum fyrir samstarfið á liðnu ári. Á morgun þriðjudaginn 4. janúar klukkan 8:10 hefst kennsla og hefðbundið skólastarf aftur samkvæmt stundatöflu. Í Naustaskóla verður skipulagið eins og fyrir jól og nemendur mæta og ljúka skóla á venjulegum tíma. Ein breyting hefur þó verið gerð á skipulagi í matsal – en samkvæmt reglugerð sem er í gildi til 12. janúar mega einungis 50 nemendur vera saman í matsal. Við höfum því skipt matsalnum í þrjú hólf með þremur skömmtunarstöðvum. Við erum svo heppin að geta nýtt okkur samkomusalinn innan við bókasafnið og stækkað þannig matsalinn. Vegna þessa ákvæðis verða breytingar hjá nemendum í 8.-10. bekk og munu þau ekki fara í mat a.m.k. þessa viku og ljúka því skóladegi aðeins fyrr en annars. Þetta gerum við til þess að mæta kröfum um fjöldatakmarkanir í matsal. Engin skerðing verður á kennslustundum en í stað þess að fara í mat verða þau í kennslustundum og fara því fyrr heima á daginn. Valgreinar og smiðjur falla niður þessa viku. Boðið verður upp á hafragraut í frímínútum og svo geta þau að sjálfsögðu haft með sér smá nesti. Á þessum covid tímum koma alltaf nýjar áskoranir í fangið á okkur sem við reynum að leysa eins og best verður á kosið með hagsmuni nemenda að leiðarljós. Við þökkum ykkur fyrir gott samstarf á liðnu ári og höldum inn í nýtt ár með þá vissu að þetta verði síðasti covidveturinn. Nýárskveðjur Stjórnendur Naustaskóla.