Fréttir

Ágætu foreldrar/forráðamenn nemenda í Naustaskóla. Nemenda – og foreldrarviðtöl verða föstudaginn 5. nóvember Foreldrar mæta til viðtals með börnum sínum í skólann. þennan dag fer ekki fram kennsla og nemendur mæta ekki í skólann en Frístund er opin fyrir þau börn sem þar eru skráð. Viðtölin taka mið af líðan nemenda og námi þeirra. Markmiðið er að leggja áherslu á að nemendur séu virkir í viðtalinu – að viðtalið sé nemendastýrt. Markmið með nemendastýrðum samtölum er að: ● nemendur séu virkir þátttakendur í að meta eigin líðan, náms- og félagslega stöðu og ræða hana ● auka ábyrgð nemenda í eigin námi. ● nemendur eru virkjaðir að ræða um námið sitt. ● auka þátttöku nemenda í ákvarðanatöku um skipulag náms. Bóka foreldraviðtöl Foreldrar bóka sjálfir viðtalstíma hjá umsjónarkennara í gegnum www.mentor.is – að þessu sinni er viðtalstíminn 15. mínútur. Til að skrá sig í viðtal er farið inn á fjölskylduvef Mentor og smellt á flís sem birtist, eftir innskráningu, efst í vinstra horninu á forsíðu Mentor. Hér eru hlekkir á leiðbeiningar um Mentor fyrir foreldra. https://www.youtube.com/watch?v=oBQvcTvz92Q&list=PLXN504onYI_ I0Jk4lm46UphLktxtfHv3&index=13 Opnað verður fyrir bókanir í dag - þriðjudaginn 26. október. Ef nemendur og foreldrar lenda í vandræðum með aðgang að Mentor eru þeir beðnir að snúa sér til ritara eða deildarstjóra. Með kveðju og ósk um gott samstarf. Stjórnendur Naustaskóla, Bryndís, Alla og Heimir.

Í gær kusu nemendur í nemendaráð skólans. Nemendaráð 2021-2022 skipa eftirtaldir: 4. bekkur: Heiðrún Anna Kristinsdóttir / Eldar Ísak Hlynsson varafulltrúi 5. bekkur: Egill Helgi Ólafsson / Friðrik Veigar Ólafsson varafulltrúi 6. bekkur: Kristdór Helgi Tómasson/ Ólafur Breki Sævarsson varafulltrúi 7. bekkur: Mikael Elí Einarsson / Styrmir Snær Þórðarson varafulltrúi 8. bekkur: Jóhann Valur Björnsson / Frosti Orrason varafulltrúi 9. bekkur: Ingólfur Árni Benediktsson / Mikael Leó Gíslason varafulltrúi 10. bekkur: Alexander Breki Jónsson / Amanda Eir Steindórsdóttir varafulltrúi

Í gær greindust þrír nemendur með COVID 19 í Naustaskóla og í samráði við rakningarteymi almannavarna ríkisins voru nemendur í 4. – 7. bekk sendir í sóttkví fram á miðvikudag. Bæði kennarateymin fara einnig í sóttkví ásamt þremur skólaliðum. Alls eru 158 nemendur og 22 starfsmenn í sóttkví þar til í næstu viku. Ekki er talin ástæða til frekari aðgerða að svo stöddu. Við óskum eftir því að foreldrar ræði við börn sín um að sýna aðgát í umtali um þá sem greinst hafa smitaðir. En nokkuð hefur borið á því að þeir nemendur sem greinst hafa smitaðir verði fyrir aðkasti á netinu. Einnig beinum við þeim tilmælum til foreldra að senda börn sín ekki í skólann með kvef – eða flensueinkenni og fara með þau í sýnatöku til að taka af allan vafa um smit.

Minnum á starfsdaginn á morgun, föstudag. Frístund er opin eftir hádegi.

Hér koma nokkrar myndir frá vel heppnuðum útivistardegi.

Kl. 10:00 nemendur í 2.- 5. bekkur. Nemendur mæta inn á sín svæði. Kl. 11:00 nemendur í 6.-10. bekk. Nemendur mæta inn á sín svæði. Á skólasetningunni hitta nemendur umsjónarkennara, fá stundaskrá og fræðast um starfið í vetur. Vegna fjölda smita í samfélaginu takmörkum við aðgang foreldra að skólanum. Foreldrum er ekki boðið að koma á skólasetningu að þessu sinn. Foreldrar 1. bekkjar mæta í viðtöl með börnum sínum en því miður getum við ekki leyft þeim að fylgja barni sínu inn í skólann fyrstu kennsludagana. Kennsla hjá börnum í 2.-10. bekk hefst þriðjudaginn 24. ágúst samkvæmt stundarskrá en hjá 1. bekk hefst kennsla miðvikudaginn 25. ágúst. Frístund opnar mánudaginn 23. ágúst kl.8:00 fyrir börn í 1. bekk og kl. 13:10 fyrir börn sem skráð eru í Frístund. Nánari upplýsingar um skráningu í frístund mun berast frá forstöðumanni frístundar. Kveðja Stjórnendur Naustaskóla