Fréttir

Starfsdagur á morgun föstudag.

Við minnum á starfsdaginn á morgun, enginn skóli hjá börnunum. Frístund er opin fyrir hádegi eða frá kl. 08:00 - 12:00 fyrir þau börn sem þar eru skráð.
Lesa meira

Aðalfundur foreldrafélagsins!

Kæru foreldrar, Nú er komið að því að halda árlegan aðalfund foreldrafélags skólans. Hann verður haldinn miðvikudaginn 18. september kl. 20:00 – 21:00 í sal skólans og verður bæði byrjað og stoppað á réttum tíma. Efni fundarins verða almenn aðalfundarstörf og kynning á samstarfi foreldrafélagsins og stjórnenda skólans fyrir veturinn. Foreldrafélagið er vettvangur foreldra til að kynnast og taka virkan þátt í menntun og starfi barna sinna og mikilvægt að foreldrar séu virkir í því starfi svo að það takist sem best Mikilvægt er að einn fulltrúi frá hverju heimili mæti á aðalfundinn og hlökkum við til að sjá ykkur sem flest, Kaffi og með því á fundinum … og við hættum á slaginu 21:00
Lesa meira

Útivistardagur - myndir

Við vorum aldeilis heppin með veður í dag og nemendur og starfsmenn nutu útivistarinnar. Farið var í ýmsar styttri og lengri gönguferðir m.a. á Súlur, upp í Fálkafell og í Glerárgil, hjólaferð í Kjarnaskóg, frisbýgolf á Hamarskotstúni og í fjöruferð. Hér má sjá nokkrar myndir sem tala sínu máli.
Lesa meira

Útivistardagur á morgun þriðjudaginn 2. sept.

Skóli hefst á sama tíma og venjulega, nemendur mæta kl. 8:10 á sín heimasvæði, þeim verður svo skipt í hópa og brottfarir eru uppúr kl. 8:30. Allir nemendur þurfa að vera klæddir eftir veðri og vel skóaðir til útiveru! · Það er frjálst nesti þennan dag en þeir sem eru í ávaxtaáskrift geta gripið sér ávöxt í nesti áður en lagt er af stað. · Þeir sem fara upp að Hömrum og vilja sulla þurfa að koma með aukaföt!! · Gönguferðir eru gönguferðir - þar er ætlast til að nemendur gangi en hjóli ekki. · Þeir sem ganga á Hlíðarfjall þurfa sérstaklega að huga að útbúnaði og nesti! · Foreldrar eru að sjálfsögðu velkomnir með í allar ferðir. · Skóladegi hjá 1.-3. bekk lýkur kl. 13:00. Skóladegi hjá 4.-10. bekk lýkur að loknum hádegisverði eftir heimkomu, þó ekki fyrr en 12:30.
Lesa meira

Útivistardegi frestað um einn dag!

Vegna veðurspár hefur verið ákveðið að fresta útivistardegi fram á þriðjudaginn 3. september.
Lesa meira

Frístund - staðfesting á skráningu

Staðfesting á skráning í Frístund skólaárið 2019-2020 fer fram fimmtudaginn 15. ágúst milli kl. 10:00 og 15:00. Allir foreldrar barna í 1.- 4. bekk sem eru með börn sín skráð og ætla að nýta þjónustu Frístundar fyrir börn sín næsta skólaár þurfa að staðfesta skráninguna. Nýskráning í Frístund þarf að staðfesta með undirskrift dvalarsamnings. Þeir sem áður hafa undirritaðan samning þurfa að staðfesta dvalartíma. Þeir sem ekki komast þennan dag hafi samband við skólann til að ákveða tíma. Forstöðumaður Frístundar verður við 15. ágúst og tekur við staðfestingum. Sími Frístundar er 460-4111 netfang: hrafnhildurst@akmennt.is. Sími Naustaskóla 460-4100 netfang: naustaskoli@akureyri.is
Lesa meira

Gæsla fyrir 1. - 3. bekk dagana 22. - 23. ágúst 2019

Fimmtudaginn 22. ágúst - skólasetningardag, er boðið upp á gæslu fyrir 1. bekk allan daginn en eftir skólasetningu fyrir nemendur í 2. - 3. bekk, fyrir þá sem þess óska. Á föstudaginn 23. ágúst er einnig boðið upp á gæslu fyrir 1. bekk fyrir hádegi frá kl. 8:00 – 13:00 - eftir hádegi opnar Frístund fyrir þá sem hafa skráð börn sín í gæslu þar.
Lesa meira

Skólasetning Naustaskóla 2019

Skólasetning í Naustaskóla verður fimmtudaginn 22. ágúst. Nemendur mæti á eftirfarandi tímum: Kl. 10:00 nemendur í 2.-5. bekk Kl. 11:00 nemendur í 6.-10. bekk. Á skólasetningunni hitta nemendur umsjónarkennara, fá stundaskrá og fræðast um starfið í vetur. Foreldrar eru velkomnir og við mælumst sérstaklega til þess að foreldrar nýrra nemenda í skólanum fylgi sínum börnum. Kennsla hjá 2.-10. bekk hefst skv. stundaskrá föstudaginn 23. ágúst en hjá 1. bekk hefst kennsla mánudaginn 26. ágúst. Foreldrar barna í 1. bekk fá nánari upplýsingar í bréfi í næstu viku þegar kennarar mæta til starfa.
Lesa meira

Föstudagurinn 31. maí

Eins og á miðvikudeginum þá eru smá breytingar á föstudeginum 31.maí. Allir bekkir í skólanum munu vera með útiveru á þessum degi (KOMA MJÖG VEL KLÆDD) . Því eldri sem börnin eru því lengur verða þau úti. Það verða líka leikir og skemmtilegheit inni í íþróttasal, frjálst nesti og það enda síðan allir saman í pylsupartý inni á matsal í hádeginu. Skóla lýkur kl. 12:00 þennan dag og þau sem eru í frístund fara beint þangað eftir mat. Kv stjórnendur
Lesa meira

Vorþemadagar - breyting á dagskrá!

Heil og sæl. Vegna veðurs og fleiri ástæðna höfum við ákveðið að breyta aðeins vorþemadögum skólans. Á morgun miðvikudaginn 29.maí verða allir nemendur skólans á stöðvum í skólanum. Skólanum lýkur klukkan 12:00 og börn sem eru skráð í frístund fara þangað strax eftir mat. Á föstudeginum 31.maí má koma með frjálst nesti og endar dagurinn með pylsuveislu í hádeginu. Dagskráin á þessum degi mun einnig breytast aðeins. Við mælumst til að börnin komi vel klædd til útiveru í skólann þessa daga. Kveðja stjórnendur Naustaskóla
Lesa meira