Fréttir

Foreldraviðtöl - skráning

Búið er að opna fyrir skráningu í foreldraviðtölin á Mentor sem verða 27. og 28. janúar nk. en þá mæta nemendur með foreldrum sínum í viðtal hjá umsjónarkennara. Vinsamlegast hafið samband við ritara ef aðstoð óskast við skráninguna. Frístund verður opin báða dagana fyrir börn sem þar eru skráð.
Lesa meira

Tilkynning frá Naustaskóla vegna veðurs

Sæl öll. Komin er appelsínugul viðvörun fyrir Norðurland eystra. Eftir samtal við lögreglu / almannavarnir þá teljum við ástæðu til að upplýsa um að skv. veðurspá þá gengur yfir okkar svæði hvellur með vestan og suðvestan vindi um 20 m/s og talsverðri úrkomu á bilinu 11 til 14 í dag. Búast má við samgöngutruflunum og börn ættu ekki að vera ein á áferli meðan tvísýnt er. Þar sem spáin gefur til kynna að áhlaupið verði afmarkað og standi stutt yfir þá er ekki talin ástæða til að aflýsa skólastarfi. Foreldrar eru beðnir um að sækja börn í 1. - 4. bekk þegar skóla lýkur eða fyrr ef ástæða þykir til. Aðrir nemendur fara heim þegar skóla lýkur samkvæmt stundatöflu. Foreldrar meta sjálfir hvort þeir ætla að sækja börnin sín og þurfa þá að vera í sambandi við skólann ef nemendur eiga ekki að fara sjálfir heim. Frístund verður opin að venju en foreldrar verða að sækja nemendur eftir Frístund. Kveðja skólastjórnendur Naustaskóla.
Lesa meira

Nýárskveðja - skólabyrjun á nýju ári

Starfsfólk Naustaskóla sendir bestu óskir um gleðilegt nýtt ár og þakkar samstarfið á árinu sem er að líða. Skóli hefst að loknu jólafríi föstudaginn 3. janúar kl. 08:10 samkvæmt stundarskrá. Þann dag er frístund opin.
Lesa meira

Litlu jól á föstudag - skipulag

Föstudaginn nk. þann 20. desember höldum við Litlu jól í skólanum og verður skipulag með þessum hætti: Allir nemendur mæta í skólann kl 9:00 á sitt heimasvæði. Hjá öllum nemendum í 1.-7. bekk er dagskráin þannig: • 9:00 - mæting á heimasvæði • 9:10-10:00 - stofujól (jólasveinar koma í heimsókn) • 10:00-10:30 - samkoma á sal. Helgileikur í boði 4. bekkjar. • 10:30-11:00 - dansað við jólatré Nemendur fara heim kl. 11:00 að loknum jólatrésdansi Frístund er opin frá kl. 8:00 til kl. 16:15.
Lesa meira

Jólaþema - myndir

Eftir vonda veðrið og ófærðina höfðum við það huggulegt í skólanum í gær á jólaþemadegi með föndri og notalegheitum. Hér má sjá myndir frá deginum.
Lesa meira

Naustaskóli og Giljaskóli réttindaskólar UNICEF!

Giljaskóli og Naustaskóli verða Réttindaskólar UNICEF. Samkomulag þess efnis var undirritað í Naustaskóla í gær og markar tímamót fyrir Akureyrarbæ. Sjá frétt á vef Akureyrarbæjar.
Lesa meira

Skóli á morgun!

Skólahald verður í öllum skólum bæjarins á morgun, fimmtudag, samkvæmt dagskrá. Veðrið virðist ganga hægar niður en spáð var og því hefur gengið heldur hægt að hreinsa götur bæjarins. Framkvæmdamiðstöð reiknar með að moka fram á kvöld og hefja mokstur aftur kl. 4 í fyrramálið. Veðurspáin hljóðar upp á 13-18 m/s og él. Foreldrar skulu sjálfir meta aðstæður og ef erfitt er að koma til skóla strax í fyrramálið munu skólastjórnendur sýna því skilning. Þó er eindregið óskað eftir því að starfsfólk viðkomandi skóla sé látið vita að börnin séu á öruggum stað
Lesa meira

Allt skólahald fellur niður í dag 11. desember.

Allt skólahald í grunn - og leikskólum bæjarins felur niður í dag miðvikudaginn 11. desember vegna veðurs og ófærðar.
Lesa meira

Skólahald fellur niður í fyrramálið

Skólahald fellur niður til hádegis á morgun, miðvikudaginn 11. desember, í leik- og grunnskólum Akureyrarbæjar og í Tónlistarskólanum á Akureyri. Veðurhorfur verða metnar kl. 10 í fyrramálið og þá ákvörðun tekin um hvort skólahaldi verði alfarið aflýst á morgun.
Lesa meira

Áríðandi tilkynning til foreldra/forráðamanna!

Skólahald verður fellt niður frá kl. 13:00 í dag. Börn í 5.-10. bekk og verða send heim fljótlega. Foreldrar eru beðnir um að sækja yngri börn sín sem fyrst eða fyrir kl. 13:00. Frístund verður lokuð í dag.
Lesa meira