16.10.2023
Símareglur
• Símar eru leyfðir fyrir skóla 07:45 - 08:10
• Símar eru bannaðir í öllum kennslustundum nema með leyfi kennara í 1. – 10.bekk
• Nemendur í 8. – 10. bekk hafa leyfi til að fara í síma í frímínútum og í hádegishléi
• Í matsalnum má aldrei vera í síma hvorki nemendur né starfsfólk.
• Ef nemendur eru með símann sinn í skólanum eiga þeir að vera í skólatösku og
slökkt á hljóði en ekki í vasa nemenda.
Ef brot verður á þessum reglum hefur nemandi val um að afhenda kennara símann
og fá hann í lok dags eða setja hann í töskuna. Ef nemandi hlýðir ekki þá verður talað
við skólastjórnendur eða hringt í foreldra
Lesa meira
06.10.2023
Síðastliðnar þrjár vikur hafa nemendur verið að vinna að Barnasáttmála sameinuðu þjóðanna. Þau sýndu í dag afurð þessarar vinnu á salnum fyrir starfsfólk og nemendur skólans. Hér má sjá eitt af verkefnum krakkanna...
Lesa meira
22.09.2023
Aðalfundur foreldrafélags Naustaskóla verður haldinn á sal skólans þann 2. október kl. 20:00
Lesa meira
11.09.2023
Hér má sjá nokkrar myndir frá vel heppnuðum útivistardegi í dásamlegu haustveðri.
Lesa meira
25.08.2023
Í dag heimsóttu forsetahjónin Naustaskóla ásamt föruneyti og bæjarstjóranum á Akureyri. Heimsóknin var afar ánægjuleg og tókst mjög vel. Yngstu nemendurnir tóku á móti gestunum fyrir utan skólann með fánum og blöðrum í íslensku fánalitunum. Inni í andyri skólans sungu nemendur í 4. bekk fyrir gesti og síðan var haldið inn í sal þar sem nemendur stýrðu dagskránni. Þau sögðu frá ýmsu sem tengdist skólalífinu, sögðu frá fánanum í matsal skólans og gildi hans en hann var unninn á þemadögum á 10 ára afmæli skólans. Nemendur kynntu skipulag og niðurstöður skólaþings sem haldið var sl. vetur og sögðu um leið frá innleiðingu réttindaskólans. Að lokinni þessari samveru á sal gengu gestir inn í unglingadeildina og heilsuðu upp á nemendur þar. Við erum afskaplega stolt af nemendum og starfsfólki skólans eftir þessa vel heppnuðu heimsókn. Á myndinni má sjá nemendur í 3. og 4. bekk sem sungu svo fallega fyrir forsetahjónin.
Lesa meira
08.08.2023
Þriðjudaginn 22. ágúst er skólasetning í Naustaskóla
Nemendur mæti á eftirfarandi tímum á sal skólans:
Kl. 09:00 nemendur í 2.-5. bekk
Kl. 10:00 nemendur í 6.-10. bekk.
Skólastjóri verður með stutt ávarp stutt ávarp og síðan fara nemendur með kennurum sínum inn á svæði.
Þennan dag hefjast viðtöl hjá 1. Bekk. Frístund er opin frá kl. 8:00 – 16:00 fyrir nemendur sem þar eru skráðir.
Lesa meira
31.05.2023
SKÓLASLIT
• Kl. 09:00 mæta nemendur 1.,3.,5, og 9. bekkjar á sal skólans og fara síðan inn á sín svæði.
• Kl. 11:00 mæta nemendur 2.,4.,6. og 8. bekkjar á sal skólans og fara síðan inn á sín svæði.
• Frístund er lokuð á skólaslitadaginn.
Útskrift 10. bekkjar fer fram á sal skólans kl. 15:00 – að henni lokinni er kaffihlaðborð fyrir aðstandendur útskriftarnema í boði nemenda og foreldra 9. bekkjar.
Lesa meira
15.05.2023
Nú er komið að því að verðandi 8.-10. bekkur þarf að velja valgreinar fyrir næsta haust. Linkinn má finna hér á síðunnu undir nemendur/valgreinar http://www.naustaskoli.is/is/nemendur/valgreinar
Lesa meira
08.05.2023
Mánudaginn 15. maí kl. 20.15 verður haldinn fundur í Háskólanum á Akureyri um mikilvægi samvinnu foreldra fyrir velferð barna. Um er að ræða fræðslufund fyrir foreldra og forsjáraðila barna á vegum landssamtakanna Heimilis og skóla fræðslu- og lýðheilsuráðs Akureyrarbæjar og mennta- og barnamálaráðuneytisins. Leitað verður svara við spurningum á borð við: Hvernig get ég sem foreldri lagt mitt að mörkum til að auka vellíðan barnsins míns og skiptir samvinna foreldra máli þegar kemur að farsæld barnanna okkar?
Foreldrar og forsjáraðilar barna í bænum eru hvattir til að mæta á fundinn sem haldinn verður í hátíðarsal Háskólans á Akureyri mánudaginn 15. maí frá kl. 20.15 til 21.30. Fundurinn verður einnig aðgengilegur í streymi fyrir þá sem ekki komast en til að fá link þarf að skrá sig með netfangi.
Skráning er í gegnum þennan hlekk
Viðburðurinn á Facebook.
Lesa meira
08.05.2023
Í ár verða Foreldraverðlaun Heimilis og skóla afhent í 26. sinn og er opið fyrir tilnefningar á heimasíðu okkar www.heimiliogskoli.is út 21. maí 2023.
Við leitum sérstaklega eftir tilnefningum vegna einstaklinga eða hópa/verkefna sem hafa með einhverjum hætti stuðlað að því að efla samstarf heimilis og skóla og nærsamfélagsins.
Verkefnin mega vera á öllum skólastigum og hægt er að tilnefna hvort sem er einstaklinga eða hópa sem standa fyrir verkefninu. Ekki er verra ef verkefnin hafa fest sig í sessi.
Þá erum við að leita eftir einstaklingum sem hafa með framlagi sínu til lengri tíma haft jákvæð áhrif á samstarf heimila og skóla á einhverju skólastigi.
Okkur þætti vænt um ef þú myndir koma þessum skilaboðum áfram innan þíns skólasamfélags og hvettir fólk til að tilnefna eða tilnefndir sjálf/sjálfur verkefni eða einstaklinga sem þér finnst eiga viðurkenningu skilið.
Með kærri kveðju og fyrirfram þökk,
Teymið hjá Heimili og skóla - landssamtökum foreldra
_____________________________________________
Heimili og skóli – landssamtök foreldra
Laugavegur 176, 4.hæð, 105 Reykjavík
Sími: 516 0100
Netfang: heimiliogskoli@heimiliogskoli.is
Lesa meira