Fréttir

Í gær (14. 6.18) veitti fræðsluráð Akureyrarbæjar viðurkenningu þeim einstaklingum sem skarað hafa framúr í starfi. Alla deildarstjóri í Naustaskóla hlaut viðurkenningu fyrir störf sín í valgreinanefnd grunnskólanna á Akureyri. Valgreinanefnd grunnskólanna hefur svo sannarlega unnið gott og ötult starfs síðustu árin og verið í mikilli framþróun varðandi fjölbreytni og aukið framboð valgreina á Akureyri. Valgreinanefndin er einstök á landsvísu og erum við afar stolt af vinnu hennar. Við óskum Öllu og samstarfskonum hennar í nefndinni innilega til hamingju með viðurkenninguna, þær eru svo sannarlega vel að henni komnar.

Naustaskóla var slitið í níunda sinn sl. miðvikudag við hátíðlega athöfn á sal skólans. Nokkrir nemendur og kennarar komu fram með tónlistaratriði og ljóðalestur. Nemendur fengu síðan vitnisburð afhentan hjá umsjónakennurum og héldu glaðbeittir út í sumarið. Nemendur í 10. bekk voru 31 þetta árið og var útskriftarathöfn þeirra haldin seinnipart dagsins með tilheyrandi dagskrá og glæsilegu kaffihlaðborði sem níundi bekkur og foreldrar buðu upp á. Nemendur héldu ræðu og sýndu myndband og sögðu frá útskriftarferð sinni og kennararnir Silla og Stefán voru með söngatriði. Við kveðjum frábæran hóp nemenda með söknuði, þökkum þeim fyrir samfylgdina í gegnum árin og óskum þeim velfarnaðar í leik og starfi í framtíðinni. Hér eru nokkrar myndir frá athöfninni.

Í gær og dag vorum vorþemadagar í Naustaskóla. Nemendur skólans skiptust á stöðvar við skólann annan daginn, og nutu náttúrunnar í Kjarnaskógi hinn daginn. Veðrið lék við okkur þessa daga sem gerði útiveruna ánægjulega, bæði fyrir nemendur og starfsfólk.