Fréttir

Skólinn annast innkaup á námsgögnum fyrir nemendur og innheimtir gjald fyrir það, en foreldrar þurfa að versla lítillega fyrir nemendur í 4.-9. bekk. Ef einhver óskar eftir að annast öll innkaup sjálfur þarf viðkomandi að hafa samband við skólann og fá ítarlegri lista.  Námsgagnagjald haustið 2011 er kr. 3.600 fyrir 1.-3. bekk en kr. 4.000 fyrir 4.-9. bekk.  Foreldrar eru beðnir um að greiða gjaldið inn á reikning 0159-15-200070, kt. 070372-5099, fyrir 22. ágúst, vinsamlegast setjið nafn barns sem skýringu/tilvísun.   Hér má finna innkaupalista fyrir 4.-9. bekk:   - Innkaupalisti 4.-5. bekkjar  - Innkaupalisti 6.-7. bekkjar  - Innkaupalisti 8.-9. bekkjar

Skrifstofa Naustaskóla verður lokuð frá 20. júní til 2. ágúst í sumar. Ef á þarf að halda er hægt að hafa samband við skólastjóra með netfanginu agust@akureyri.is eða í síma 847-8812.  Skólasetning verður 22. ágúst.  Foreldrar nýnema munu fá tölvupóst um miðjan ágúst með boðun í viðtal á skólasetningardaginn. Gert er ráð fyrir að skólinn annist innkaup námsgagna fyrir nemendur nema hvað varðar ritföng fyrir nemendur í 4.-9. bekk.  Upplýsingar varðandi þetta verða birtar hér á heimasíðunni í byrjun ágúst.  Hafið það gott í sumar og við hlökkum til að sjá ykkur í haust! 

Ársskýrsla skólans fyrir skólaárið 2010-2011 er nú komin á vefinn.  Í henni má finna helstu upplýsingar um fyrsta starfsár skólans en auk þess inniheldur hún gróft mat á því hvernig til tókst og nokkrar tillögur um hvernig gera má enn betur í framtíðinni.  Smellið hér til að opna ársskýrsluna..

Það var sannkallað táp og fjör hjá okkur síðustu daga skólaársins og báru þeir því nafn með réttu.  Þessa daga unnu nemendur í aldursblönduðum hópum og fóru milli stöðva þar sem afar fjölbreytt verkefni voru í boði, t.d. handanudd, veggjamálun, söngur, víðsjárskoðun, púsl, limbó, smíðar og fleira og fleira.  Síðasti skóladagurinn var hins vegar hópeflisdagur þar sem námshópar kvöddust og nýir mynduðust, 1. bekkur flutti til 2. bekkjar, 3. bekkur flutti upp á 2. hæðina þar sem 4. bekkur tók á móti þeim, 5. bekkur flutti til 6. bekkjar og 7. bekkur til 8. bekkjar.  Svo enduðum við í grillveislu í Kjarnaskógi.  Hér má sjá nokkrar myndir frá "táp- og fjördögunum".

Nú á dögunum lögðum við stutta viðhorfakönnun fyrir nemendur í 4.-8. bekk þar sem spurt var um ýmsa þætti sem varða skólastarfið.  Niðurstöður könnunarinnar má sjá hér..

Skólaslit Naustaskóla verða föstudaginn 3. júní kl. 13:00.  Nemendur mæta á heimasvæði þar sem vitnisburður verður afhentur, skólastjóri segir nokkur orð og að því búnu hefst sumarfríið! Á skólaslitadaginn föstudaginn 3. júní n.k. frá kl. 13-17 stendur til að hafa markaðsstemningu fyrir framan Naustaskóla. Hvetjum við sem flesta til þess að drífa nú í að taka til í geymslunni og koma með dót sem e.t.v. getur nýst einhverjum öðrum (föt, húsgögn, handverk, hvað sem er) og selja á vægu verði eða skipta fyrir annað.  Einnig væri gaman að einhverjir væru með kaffi, safa eða aðrar veitingar til sölu.  Svo má líka troða upp með tónlistaratriði, dans eða hvaðeina sem menn kunna að luma á.  Foreldrafélag Naustaskóla

Nú er komið í ljós að í Unicef - dagskránni okkar söfnuðust um 190.000 kr. sem hafa verið lagðar inn á reikning hjá Unicef.  Glæsileg frammistaða hjá krökkunum okkar sem vilja greinilega láta gott af sér leiða!  Sem lítið dæmi um hvernig þessir peningar gætu nýst má nefna að hægt væri að festa kaup á 5 fullbúnum "skólum-í-kassa" sem notaðir eru á hamfara- og neyðarsvæðum. 5 skólapakkar innihalda náms- og kennslugögn fyrir allt að 200 börn þannig að segja má að tæplega 200 nemendur Naustaskóla hafi kannski búið til skóla fyrir jafnmörg börn úti í heimi....