Fréttir

Foreldrafélag Naustaskóla boðar til aðalfundar þann 30. sept kl. 16:30 Sjá fundarboð: https://fb.me/e/7RRlboi2A

Í morgun hófu nemendur í 4. bekk í Naustaskóla ART kennslu. Í Naustaskóla leggjum við ávallt mikla og ómælda áherslu á vellíðan, öryggi og jákvæðan félagsþroska allra nemenda okkar. ART er sérhæfð félagsfærniþjálfun sem fer fram þrisvar sinnum í viku. Í þessum tímum læra krakkarnir dýrmæta færni á mjög fjölbreyttan hátt. Þau æfa félagsfærni með skemmtilegum hlutverkaleikjum og efla sjálfstjórn sína með ýmis konar vinnu og verkefnum. Einnig fara nemendur í sérstaka siðferðistíma þar sem þau ræða og leysa alls kyns flókin og áhugaverð málefni í sameiningu sem og einstaklingslega. Kennslan fer fram í tveimur hópum til að tryggja að allir fái góðan stuðning. Í ART teyminu eru þrír útskrifaðir ART kennarar og leiða þau þetta flotta starf. Þetta gagnlega námskeið stendur yfir í tólf vikur og gefur nemendum frábært tækifæri til að efla samvinnu og vináttu. Við hlökkum mikið til að fylgjast með frábærum framförum krakkanna okkar í vetur. Þessi þjálfun styrkir félagsleg bönd og hjálpar öllum að líða enn betur í leik og starfi.

Hæfileikakeppni Akureyrar 2026 verður haldin þann 22.apríl kl 16-18. Endilega skoðið þetta með börnunum ykkar og hjálpið þeim að skrá sig. Skráning fer fram hér: https://eu.jotform.com/210744037735353 og hefur verið farmlengd til 20.apríl. Hæfileikakeppni Akureyrar er fastur liður í árlegri barnamenningarhátíð bæjarins. Hæfileikakeppni Akureyrar er árlegur viðburður fyrir börn í 5. - 10. bekk. Eins og orðið hæfileikakeppni gefur til kynna er um að ræða fjölbreytta keppni enda geta hæfileikar verið afar fjölbreyttir. Dæmi um atriði sem gætu skráð sig til leiks geta verið á sviði sönglistar, leiklistar, danslistar, töfrabragða og hljóðlistar svo eitthvað sé nefnt. Atriðin geta verið einstaklingsatriði, paraatriði eða hópatriði. Með viðburðinum viljum við vinna með styrkleika og og hæfileika barna og unglinga. Slíkur viðburður getur verið vettvangur fyrir ungt fólk á Akureyri til þess að koma sér á framfæri en fyrst og fremst er um að ræða mikilvægan stökkpall fyrir einstaklinga til þess að stíga út fyrir þægindarammann sinn.