18.11.2010
Í drögum að
aðalnámskrá grunnskóla sem birt voru á vefsíðu menntamálaráðuneytisins í júlí 2010, er að finna nánari
útfærslu á ákvæðum laga og reglugerða um nám og kennslu í grunnskóla. Í námskránni er meðal annars að finna
almenna umfjöllun um hlutverk grunnskólans, inntak og skipulag náms og áhersluþætti í aðalnámskrá. Frestur til að skila inn
athugasemdum rann út 1. nóvember 2010. Verið er að vinna úr innsendum athugasemdum og verða endurskoðuð drög birt á vefsvæði
ráðuneytisins.Á vefsíðu ráðuneytisins http://www.menntamalaraduneyti.is/utgefid-efni/namskrar/drog-ad-nyjum-namskram/
eru nú birt til umsagnar drög að sameiginlegum inngangskafla fyrir leikskóla, grunnskóla og framhaldsskóla. Þar er fjallað um hlutverk
aðalnámskrár, almenna menntun og gæðaeftirlit. Frestur til að skila inn athugasemdum er til 20. desember 2010.
Lesa meira
18.11.2010
Öðru hverju gefur Miðstöð
skólaþróunar við Háskólann á Akureyri út blað sem tileinkað er innleiðingu kennsluaðferðarinnar Byrjendalæsi.
Nú er komið út nýtt eintak af Byrjendalæsisblaðinu og má nálgast það með því að smella hér...
Lesa meira
12.11.2010
Undanfarnar vikur er margt búið að gera og hafa gaman. Hæfileikakeppni, uppákomur á samveru og skólaball.
Hægt er að skoða myndir hér
Lesa meira
10.11.2010
Um daginn var Galileo-sjónaukum
dreift í alla grunnskóla á Norðurlandi í viðleitni til að efla áhuga barna á stjörnuskoðun og vísindum. Í framhaldi af
því mun Stjörnuskoðunarfélag Seltjarnarness standa fyrir krakkanámskeiði um stjörnuskoðun næstkomandi laugardag. Námskeiðið er
hugsað fyrir börn í 1. – 7. bekk sem hafa áhuga á stjörnufræði og stjörnuskoðun. Það verður haldið í
Menntaskólanum á Akureyri (í Kvosinni) laugardaginn 13. nóvember kl. 11:30-13:50 og námskeiðsgjald er 3000 krónur. Gert er ráð fyrir að
eitt foreldri fylgi barni sínu á námskeiðið. Allar frekari upplýsingar má finna hér: http://www.astro.is/namskeid/krakka en athugið að eftir á að breyta tímasetningu á vefsíðunni, rétt tímasetning er kl.
11:30-13:50. Leitast er við að fræða á lifandi og skemmtilegan hátt með hjálp myndefnis, tækja og tóla og farið verður í
stjörnuskoðun um kvöldið ef veður leyfir.
Lesa meira
09.11.2010
Það er helst að frétta úr útiskólanum okkar í Naustaborgum að tvö leiktæki hafa bæst við. Um er að ræða
svokallaða þeytivindu, en hún er þannig að smíðaður var fleki utan um tré og bönd sett á allar fjórar hliðarnar, þau
eru svo hengd upp í tré. Svo er hægt að hlaupa í hringi með flekann og vefjast þá kaðlarnir utan um tréð. Þegar sleppt
er snýst flekinn til baka með tilheyrandi skemmtan. Einnig hafa verið settar upp tvær rólur önnur venjuleg með tveimur kaðalspottum en hin með einum
sem gengur í gegnum miðja spýtu.
Þessi tæki eru búin til úr efni sem kemur frá skóginum og unnin af börnum og unglingum í Lundar- og Naustaskóla.
Smellið hér til að skoða myndir af tækjunum en hér er tengill á heimasíðu útiskólans.
Lesa meira
10.11.2010
7. bekkur stendur fyrir böllum í
skólanum miðvikudaginn 10. nóvember.
Ball fyrir 1. - 3. bekk verður kl. 17 - 19
Ball fyrir 4. - 8. bekk verður kl. 19 - 21
Aðgangseyrir er kr. 400
Sjoppa verður opin og ýmislegt skemmtilegt í boði t.d. draugahús, spákona o.fl.
Lesa meira
07.11.2010
Bingó, fata- og skómarkaður og
kökubasar verður í Naustaskóla sunnudaginn 7. nóvember kl. 13:00. Bingóspjaldið kostar 500 kr. og 5 bingóspjöld 2000 kr. Glæsilegir
vinningar !
Kökubasar, fata- og skómarkaður verða einnig í gangi frá kl. 13:00 og fram eftir degi. Allur ágóði af bingóinu kökubasarnum og
borðasölu á markaði rennur til styrktar Sævar Darra Sveinssyni (nemanda í 3. bekk) og fjölskyldu.
Allir velkomnir!
Lesa meira
01.11.2010
Fréttabréf
nóvembermánaðar er komið út. Smellið hér....
Lesa meira
09.11.2010
Þriðjudaginn 9. nóvember kl. 20:00-21:00 er foreldrum boðið til kynningar á uppeldisstefnunni Jákvæðum aga. Fundurinn verður í sal
skólans á 2. hæð og verður þar fjallað um hugmyndafræði stefnunnar, framkvæmd hennar í skólanum og nokkur hagnýt
ráð við uppeldi. Fyrirhugað er að halda námskeið fyrir foreldra á næstu vikum, í samstarfi við aðra skóla sem eru að
innleiða JA. Ekki er búið að tímasetja námskeiðið en upplagt er fyrir áhugasama að byrja á að mæta á fundinn og
skoða hvort þetta sé ekki eitthvað sem er þess virði að kíkja betur á....
Lesa meira
04.11.2010
Aðalfundur Hverfisnefndar Naustahverfis veðrur haldinn fimmtudaginn 4. nóvember kl. 20:00 í Naustaskóla (2. hæð). Á dagskrá eru venjuleg
aðalfundarstörf ásamt fyrirspurnum og öðrum málum. Gestir fundarins verða Eiríkur Björn Björgvinsson bæjarstjóri og Helgi
Snæbjarnarson formaður skipulagsnefndar auk fulltrúa L-listans. Allir íbúar Naustahverfis eru hvattir til að mæta.
Lesa meira
Translate