Fréttir

Aðalfundur Hverfisnefndar Naustahverfis veðrur haldinn fimmtudaginn 4. nóvember kl. 20:00 í Naustaskóla (2. hæð).  Á dagskrá eru venjuleg aðalfundarstörf ásamt fyrirspurnum og öðrum málum.  Gestir fundarins verða Eiríkur Björn Björgvinsson bæjarstjóri og Helgi Snæbjarnarson formaður skipulagsnefndar auk fulltrúa L-listans. Allir íbúar Naustahverfis eru hvattir til að mæta.

Föstudagurinn 5. nóvember er samráðs- og matsdagur.  Þá er frí hjá nemendum en Frístund er opin fyrir þá nemendur sem þar eru skráðir.  Foreldrar geta óskað eftir viðtali við umsjónarkennara þennan dag, einnig verða einhverjir boðaðir til viðtals. Að öðru leyti verður dagurinn nýttur til vinnu við námsmat o.fl.

Alþjóðlegi bangsadagurinn er 27.október, sem er einnig afmælisdagur Theodore (Teddy) Roosevelt fyrrverandi Bandaríkjaforseta. Hann var mikil skotveiðimaður og sagan segir að eitt sinn þegar hann var á veiðum hafi hann vorkennt litlum varnalausum bjarnahúni og sleppt honum. Washington Post birti skopmynd af þessu atviki. Búðareigandi einn í Brooklyn í New York varð svo hrifin af þessari sögu að hann bjó til leikfangabangsa sem hann kallaði í höfuðið á Teddy eða Teddy Bear. Nú er þessi leikfangabangsi orðin vinsæll leikfélagi barna um allan heim.  Í tilefni þessa er fimmtudagurinn 28. október "bangsadagur" í skólanum og þann dag mega allir hafa bangsann sinn með sér... :)

Í dag var kosið nýtt nemendaráð fyrir skólann, eftir æsispennandi kosningabaráttu og kjörfund þar sem fluttar voru fjölmargar framboðsræður, voru eftirfarandi nemendur kjörnir: Hrannar Þór Rósarsson 8. bekk - formaður Tumi Hrafn Kúld 8. bekk Brynjar Helgason 7. bekk Ugla Snorradóttir 6. bekk Freyr Jónsson 5. bekk Bjarney Guðrún Jónsdóttir 4. bekk

Á stjórnarfundi hjá Fasteignum Akureyrarbæjar föstudaginn 15. október sl. var eftirfarandi bókað í fyrsta lið fundarins þar sem rætt var um Naustaskóla: "Rætt um verkáætlun fyrir skólann. Stjórn Fasteigna Akureyrarbæjar samþykkir að hafist verði handa við framkvæmdir á 2. áfanga við Naustaskóla á árinu 2011."   Enn er unnið að útfærslu á því hvernig framkvæmdin verður skipulögð en gert er ráð fyrir að byggingartíminn geti orðið 4 ár. Rætt hefur verið um að skólinn fái aukið húsnæði, þ.e. hluta 2. áfanga byggingarinnar til afnota haustið 2012. 

Kæru foreldrar/forráðamenn nemenda í grunnskólum Akureyrar. Í grunnskólalögum nr. 91/2008 kemur m.a. fram í 13. gr.: “Nemendur eiga rétt á að njóta náms- og starfsráðgjafar í grunnskóla af til þess bærum sérfræðingum”. Á þessu skólaári hafa sjö grunnskólar á Akureyri uppfyllt þetta ákvæði laganna. Því þykir okkur náms- og starfsráðgjöfunum rétt að koma á framfæri eftirfarandi upplýsingum til foreldra/forráðamanna nemenda í þessum skólum: