Fréttir

Aðalfundur Foreldrafélags Naustaskóla verður haldinn í skólanum mánudaginn 13. september kl. 20:00-21:30. Á dagskrá verða venjuleg aðalfundarstörf, kjör fulltrúa foreldra í skólaráð, umræður um foreldrastarf í hverjum árgangi/námshópi og umræður um foreldrasamning Heimila og skóla, auk praktískra upplýsinga og tækifæra til fyrirspurna og umræðna.  Stuðningur foreldra og áhugi á skólamálum skilar sér bættri frammistöðu og vellíðan barnanna okkar í skólanum. Niðurstöður rannsókna sýna að samskipti foreldra og skóla hafa jákvæð áhrif á skólastarf. Ávinningur samstarfs er meðal annars: .       Betri líðan barna í skólanum .       Aukinn áhugi og bættur  námsárangur .       Aukið sjálfstraust nemenda .       Betri ástundun og minna brottfall .       Jákvæðara viðhorf foreldra og nemenda til skólans .       Aukinn samtakamáttur foreldra í uppeldis og menntunarhlutverkinu Heimild: (Handbók Heimilis og skóla 2010). Við viljum biðja foreldra sem hafa áhuga á að sitja í stjórn Foreldrafélagsins eða að vera bekkjarfulltrúar að senda póst á Vöku Óttarsdóttur ritara félagsins (vaka@mentor.is) Enn eru laus sæti -fyrstur kemur fyrstur fær! Afar mikilvægt er að við mótum frá upphafi þá hefð að foreldrar mæti á fundi Foreldrafélagsins og taki virkan þátt í starfinu. Því leggjum við mikla áherslu á að allir nemendur skólans eigi fulltrúa á aðalfundinum!

Alþjóðadagur læsis er 8. september. Háskólinn á Akureyri, Amtsbóksafnið og Akureyrarstofa standa að undirbúningi á degi læsis á Íslandi og eru landsmenn hvattir  til að leggja frá sér verk og lesa fyrir sig og aðra kl. 11:00–11:15. Ennfremur er fólk hvatt til þess að skipuleggja sjálft læsisviðburði. Það má  gera með því að lesa upp fyrir hvert annað, segja sögur, fara með ljóð eða á annan hátt nota málið til ánægjulegra samskipta. Hugmyndahefti um læsisviðburði má nálgast hér.

PMT foreldrafærninámskeið fyrir foreldra barna sem eru með ADHD greiningu og eiga við hegðunarvanda að stríða verður haldið nú í september. Um er að ræða hópnámskeið sem nær yfir 8 vikur, í tvær og hálf klukkustund í senn. Námskeiðið hefst þann  28.september kl. 19.30 til 22.00 og lýkur 16. október. Námskeiðið er haldið í salnum í Brekkuskóla.

Nú er fréttabréf septembermánaðar komið út. Þar er fjallað um það helsta sem framundan er s.s. skólafærninámskeið, aðalfund Foreldrafélagsins o.fl. en auk þess um útikennslu, jákvæðan aga o.fl. Smellið hér til að opna fréttabréfið..

Stundaskrár nemenda má nálgast hér

Út er komið fyrsta fréttabréf skólaársins þar sem er að finna upplýsingar um skólabyrjunina. Smellið hér til að opna fréttabréfið Viðtalstíma foreldra og nemenda 23. og 24. ágúst má nálgast hér Neyðarkort/skráningarblað til útfyllingar má finna hér 

Skólastarf hefst með viðtölum umsjónarkennara við nemendur og foreldra dagana 23. og 24. ágúst.  Tölvupóstur með upplýsingum um viðtölin verður sendur út mánudaginn 16. ágúst. Kennsla hefst skv. stundaskrá miðvikudaginn 25. ágúst. Foreldrar barna í 1.-4. bekk sem ætla að nýta sér þjónustu Frístundar í vetur eru beðnir um að staðfesta skráningu með undirskrift dvalarsamnings, 12. eða 13. ágúst kl. 10-14.  Þeir sem ekki  komast á þessum tíma eru beðnir um að hafa samband við Hrafnhildi forstöðumann í síma 460-4111. Innkaupalista vegna námsgagna má nálgast hér.