Fréttir

Kæru foreldrar/forráðamenn barna í Naustaskóla. Á fundi Foreldrafélags Naustaskóla í haust var ákveðið að félagsgjaldið fyrir skólaárið 2009-2010 yrði 2000 krónur á fjölskyldu (eitt gjald fyrir öll börn í sömu fjölskyldu). Athugið að greiðsla í foreldrafélagið er valfrjáls. Tekjum félagsins er varið í þágu barnanna okkar svo sem í skemmtanir, fræðslufyrirlestra, til að styrkja ferðir, til kaupa á búnaði og fleira. Hægt er að greiða inn á reikning félagsins í heimabanka, banka eða í sparisjóðum og er reikningsnúmerið 0565-26-460110 kt. 460110-1140 Nánari uppslýsingar veitir Jón Stefán Baldursson gjaldkeri félagsins í síma 849-7343 eða í tölvupósti á jonstefan@simnet.is Stjórn Foreldrafélags Naustaskóla.

Fréttabréf febrúarmánaðar er komið út. Smellið hér...

"Forysta til náms í nýjum skóla" Sl. haust fór af stað rannsóknar- og þróunarvinna í samvinnu Birnu Maríu Svanbjörnsdóttur, doktorsnema við Menntavísindasvið HÍ, og skólastjórnenda Naustaskóla. Rannsóknin mun standa yfir þriggja ára tímabil og miðar að því að rannsaka hvort ákveðin aðferð forystu stuðli að námssamfélagi, í hverju hún felist og hvernig megi standa að henni. Upplýsinga verður aflað með ýmsu móti, s.s. með viðtölum, vettvangsathugunum, leshringjum, samræðum og niðurstöðum námsárangurs nemenda. Unnið verður að stefnumótun, hugtök skilgreind, sett verða niður viðmið um árangur, þar sem m.a. verður stuðst við niðurstöður úr viðtölum og samræmdum prófum. Ekki verða á neinu stigi rannsóknarinnar einkunnir tengdar einstaklingum eða nafngreindar upplýsingar úr viðtölum. Rannsóknin gagnast skólanum m.a. á þann hátt að skólastjórnendur á mikla endurgjöf frá rannsakanda, gagnlegar spurningar, upplýsingar og leiðbeiningar.  Þriðjudaginn 2. febrúar kl. 17:00-18:00 bjóðum við foreldrum að koma og kynna sér þetta verkefni.  Í framhaldinu mun Birna einnig leita til foreldra til að taka þátt í rýnihópum þar sem leitað verður viðhorfa um ýmislegt sem varðar skólastarfið.  Þarna er því einnig vettvangur til að hafa áhrif á skólann og mótun hans.

Lýðheilsustöð stendur fyrir árlegri tannverndarviku 1. - 5. febrúar. Að þessu sinni er lögð áhersla á tannvernd barna. Rannsóknir staðfesta að nú er meira um tannskemmdir hjá börnum og ungmennum á Íslandi en áður. Þessar niðurstöður gefa tilefni til að efla þekkingu og vitund landsmanna á tannheilbrigði og góðum neysluvenjum. Til þess þurfa sem flestir að leggja málinu lið. Með því að smella hér má nálgast upplýsingar um tannburstun sem er auðvitað grundvallaratriði í tannvernd...