Fréttir

Samkvæmt skólastefnu Akureyrarbæjar skal árlega, veita þeim einstaklingum eða stofnunum sem skarað hafa fram úr í skólastarfi viðurkenningar. Markmiðið er að vekja sérstaka athygli á því sem vel er gert og hvetja þá sem fyrir valinu verða til þess að halda áfram því góða starfi sem þeir eru að vinna og jafnvel gera enn betur. Viðurkenning er einnig staðfesting á að viðkomandi skóli/kennari/nemandi er fyrirmynd annarra á því sviði sem viðurkenning nær til. Skólanefnd mun frá árinu 2010 veita einstaklingum og/eða stofnunum sem skarað hafa fram úr í eftirtöldum tveimur flokkum viðurkenningar, við hátíðlega athöfn. Skólanefnd ákveður fjölda viðurkenninga ár hvert að fenginni tillögu valnefndar.

Við hvetjum alla okkar nemendur eindregið til að taka þátt í 1. maí hlaupi UFA, og leggja þar með sitt af mörkum í skólakeppninni þar sem keppt er um hlutfallslega þátttöku grunnskólanna.  Auglýsingu um mótið má sjá hér en einnig er upplýsingar að finna á heimasíðu UFA, http://www.ufa.is

Nú á dögunum var lögð tölvupóstkönnun fyrir foreldra um ýmis atriði sem varða skólann og skólastarfið.  Viðbrögð voru nokkuð góð, alls bárust 115 svör fyrir 129 nemendur sem telst 84% svörun.  Við munum nú leggjast yfir niðurstöðurnar með það að markmiði að nýta þær til að bæta skólastarfið.  Foreldrum þökkum við snör viðbrögð og góðar og gagnlegar athugasemdir og ábendingar.  Heildarniðurstöður könnunarinnar má nálgast hér... 

Foreldraverðlaun Heimilis og skóla – landssamtaka foreldra, verða afhent í 15. sinn við hátíðlega athöfn í  Þjóðmenningarhúsinu þriðjudaginn 1. júní kl. 15:00.   Heimili og skóli – landssamtök foreldra óska eftir tilnefningum til Foreldraverðlauna 2010 frá einstaklingum, félögum eða hópum sem vilja vekja athygli á vel unnum verkefnum, sem stuðla að eflingu skólastarfs og jákvæðu samstarfi heimila, skóla og samfélagsins.

Fréttabréf skólans fyrir aprílmánuð er komið út. Smellið hér til að opna...

Nú erum við að auglýsa eftir starfsmönnum fyrir næsta vetur, þ.e. kennara, námsráðgjafa og þroskaþjálfa. Auglýsingarnar má finna á umsóknavef Akureyrarbæjar og er umsóknarfrestur til 19. apríl nk.  Athugið að allar umsóknir þurfa að fara í gegnum umsóknavefinn. Smellið hér til að opna umsóknavefinn.

Þá eru nemendur komnir í frí til fimmtudagsins 8. apríl en þá hefst kennsla að nýju skv. stundaskrá. Frístund er opin 29.-31. mars, hún er lokuð þriðjudaginn 6. apríl en opin miðvikudaginn 7. apríl.  Miðvikudagurinn 7. apríl er viðtalsdagur, umsjónarkennarar hafa sent boðun í viðtal sem þeirra sem ástæða þykir til að hitta á þessum tímapunkti, aðrir geta einnig óskað eftir viðtölum með tölvupósti til umsjónarkennara. Starfsfólk skólans óskar ykkur gleði- og ánægjuríkra páska!