17.12.2010
Kæru nemendur, foreldrar og starfsfólk við Naustaskóla.Við óskum ykkur gleðilegra jóla og farsældar á komandi
ári um leið og við þökkum frábært samstarf á árinu sem er að líða!
Til að glæða jólaandann er tilvalið að skoða nokkrar myndir frá helgileik 4.-5. bekkjar sem þau sýndu með miklum glæsibrag,
bæði á samverustund 16. desember og einnig fyrir nemendur Naustatjarnar. Sjá hér...(sýning í Naustaskóla) og hér...(sýning á Naustatjörn) Kennsla að loknu jólaleyfi hefst skv. stundaskrá þriðjudaginn 4.
janúar. Athugið að Frístund er lokuð mánudaginn 3. jan.
Lesa meira
17.12.2010
Á myndasíðunni okkar er nú að finna heilmikið myndasafn frá starfinu í 1. bekk á haustönninni. Eins og sjá má af
myndunum er svo sannarlega eitt og annað sem hefur verið brallað í vetur, bæði til náms og skemmtunar. Þessar myndir eru nokkuð sem er
bæði skemmtilegt og upplýsandi fyrir foreldra 1. bekkinga að fletta í gegnum með börnum sínum... Smellið hér..
Lesa meira
17.12.2010
Litlu jólin í
Naustaskóla eru 17. desember. Að þeim loknum fara nemendur í jólafrí.
Á litlu jólunum mæta nemendur sem hér segir:
1., 4., 5. og 8. bekkur kl. 8:30-10:00
2., 3., 6., og 7. bekkur kl. 10:00-11:30Frístund verður opin á litlujóladaginn fyrir þá nemendur sem þar eru skráðir.
Skólastarf að loknu jólaleyfi hefst þriðjudaginn 4. janúar.
Lesa meira
08.12.2010
Síðustu þrír dagar hafa verið "umhyggju- og samvinnuþemadagar". Þessa daga hafa nemendur skólans starfað í 9 aldursblönduðum
hópum og unnið að hinum ýmsu verkefnum sem tengjast umhyggju og samvinnu á einhvern hátt, sum verkefnanna voru auðvitað með jólaívafi
eins og gera má ráð fyrir á þessum árstíma. Hér má nálgast dálítið af myndum frá þemadögunum..
Lesa meira
02.12.2010
Í tilefni af fullveldisdeginum um daginn fengum við hann Gunnar skólaliða og Margréti konuna hans, til að vera með smá
þjóðbúningakynningu og þjóðdansakennslu fyrir okkur. Þetta tókst hið besta og var bæði skemmtilegt og fræðandi
fyrir börn og fullorðna. Smellið hér til að sjá nokkrar
myndir frá þessu...
Lesa meira
01.12.2010
Nú höfum við opnað fyrir
innslátt á leiðsagnarmati í mentor. Við biðjum foreldra um að setjast með börnum sínum við tölvuna og leggja sameiginlega mat
á hvernig hefur gengið það sem af er vetri, hvort eitthvað megi betur fara og hvort einhverju þurfi að koma á framfæri við kennara.
Mælst er til þess að þessu sé lokið fyrir 15. desember. Kennarar leggja á sama hátt mat á haustönnina og að því
búnu geta foreldrar nálgast sameiginlegt mat á mentor.is Athugið að til að nálgast leiðsagnarmatsformið þarf að fara inn á
vefinn með aðgangi nemendanna sjálfra. Leiðbeiningar fyrir þetta má nálgast hér.
Lesa meira
30.11.2010
Ákveðið hefur verið að
bjóða upp á foreldranámskeið um jákvæðan aga í janúarmánuði. Um verður að ræða tveggja kvölda
námskeið sem haldið verður í samstarfi Naustaskóla, Naustatjarnar, Glerárskóla og Hrafnagilsskóla og mun það verða opið
foreldrum barna úr öllum skólunum. Á námskeiðinu verður hugmyndafræði stefnunnar miðlað til foreldra og kynntar leiðir til að
hagnýta aðferðir jákvæðs aga í uppeldinu heima fyrir. Til að kanna áhuga biðjum við áhugasama um að forskrá sig
með því að smella hér en síðan verður haft samband við hina
áhugasömu í byrjun janúar.
Lesa meira
30.11.2010
Desemberfréttabréfið er komið út og má nálgast það hér..
Lesa meira
29.11.2010
Í tilefni af fullveldisdeginum og áratugaafmælis Íslandsklukkunnar, útilistaverks eftir Kristinn E. Hrafnsson við
Sólborg, er öllum grunnskólanemendum og fjölskyldum þeirra boðið að heimsækja Háskólann á Akureyri þann 1.
desember. Dagskráin er sem hér segir:
Lesa meira
24.11.2010
Gert er ráð fyrir því að
með tíð og tíma verði starfrækt félagsmiðstöð í Naustaskóla. Núna fyrstu árin þurfa unglingarnir okkar hins
vegar að mestu leyti að sækja slíka þjónustu til annarra félagsmiðstöðva í bænum. 8. bekkur fór í
heimsókn um daginn og kynnti sér aðstöðuna í félagsmiðstöðinni Tróju en hún stendur þeim opin sem og aðrar
félagsmiðstöðvar í bænum. Gert er ráð fyrir að frá og með áramótum verði bætt við starfsmanni í
hlutastarf hjá Tróju sem hafi m.a. það hlutverk að annast tengsl við Naustaskóla, sjá um mánaðarleg opin hús fyrir miðstig
skólans o.fl. Smellið hér til að sjá frekari upplýsingar um Tróju...
Lesa meira
Translate