Fréttir

Félagsmiðstöðin Trója, sem staðsett er í Rósenborg (gamla Barnaskólanum) þjónar Brekkuskóla, Lundarskóla og Oddeyrarskóla.  Trója annast einnig félagsmiðstöð í húsnæði Naustaskóla, hún er opin einu sinni í viku fyrir 8. bekk skólans á þriðjudagskvöldum kl. 19:30-21:30.  Annan og fjórða þriðjudag í mánuði er einnig opið fyrir 7. bekk. Starfsmaður félagsmiðstöðvarinnar í Naustaskóla er Elín Inga Bragadóttir, sími 461-1491, netfang elin@pds.is   Nánari upplýsingar má finna hér..

Þjálfun í samskiptum, tilfinningastjórn og athygli barna með ADHDFjölskyldudeild Akureyrarbæjar býður börnum með ADHD að taka þátt í námskeiði til að efla færni á ýmsum sviðum. Námskeiðið er fyrir börn fædd árið 2001 og 2002 og eru 6 börn í hverjum hóp. Áhersla er lögð á að auka færni barna í félagslegum samskiptum, skapstillingu, sjálfsstjórn og að bæta athyglisgetu þeirra. Hópurinn hittist tvisvar í viku 2 tíma í senn, í 5 vikur (10 skipti alls) með tveimur þjálfurum. Nánari upplýsingar er að finna hér....

Skáknámskeið í samvinnu við Skákfélag Akureyrar hefst í skólanum mánudaginn 31. janúar kl. 13.30.  og verður einnig næstu tvo mánudaga á sama tíma (Ætlað 3.-8. bekk) Í framhaldinu verður efnt til skólaskákmóts og keppendur valdir til þátttöku í sveitakeppni grunnskóla á Akureyri en fyrirkomulag á því verður auglýst síðar. 

Kynningarfundur um val á grunnskóla fyrir haustið 2011 verður haldinn miðvikudaginn 9. febrúar kl. 20:00-22:00 í sal Brekkuskóla. Þar munu fulltrúar skólanna kynna þá fyrir foreldrum væntanlegra nýnema.  Skólarnir verða svo með opið hús fyrir foreldra kl. 09:00-11:00 eftirtalda daga í febrúar: Fimmtudaginn 10. febrúar - Glerárskóli Föstudaginn 11. febrúar - Naustaskóli og Giljaskóli Mánudaginn14. febrúar - Brekkuskóli Miðvikudaginn16. febrúar - Oddeyrarskóli og Lundaskóli Fimmtudaginn 17. febrúar - Síðuskóli SKÓLAVAL 2011 bæklingurinn, sem hefur að geyma upplýsingar um grunnskóla bæjarins, er á netslóðinni http://skoladeild.akureyri.is/

Nú eru foreldranámskeiðin um Jákvæðan aga hálfnuð og það eru um 100 foreldrar alls sem sækja þessi tveggja kvölda námskeið.  Hér er að finna örlítið af gögnum sem tengjast námskeiðunum: Glærur varðandi fjölskyldufundiGrein um fjölskyldufundiGóð ráð fyrir foreldraVerkfærakistanGlærukynning um Jákvæðan aga

Við bendum á skemmtilegt og fræðandi myndband á íslensku þar sem sagt er frá nokkrum athyglisverðum fyrirbærum og stjörnumerkjum sem sjá má á himninum í janúar 2011.  Myndbandið má nálgast hér. Einnig bendum við á Stjörnufræðivefinn http://www.stjornuskodun.is/ en þar má finna afar margt skemmtilegt um stjörnurnar, m.a. stjörnukort fyrir hvern mánuð sem má prenta og fara með út til að læra að þekkja stjörnurnar og stjörnumerkin...

Við vekjum athygli á því að hér á heimasíðunni, undir tenglunum "skólinn" / "matsgögn og skýrslur" söfnum við og birtum hluta af þeim upplýsingum sem nýttar eru við mat á skólastarfinu.  Þar er nú að finna meðaltal samræmdu prófanna frá í haust og niðurstöður læsisprófa í 1. og 2. bekk.  Smellið hér til að opna þessa síðu.

Nemendur í dansi bjuggu til ansi skemmtileg myndbönd fyrir áramótin.  Hægt er að skoða þau hér.  Smellið hér til að skoða myndband frá 6.-7. bekk (Club can´t handle me)  Smellið hér til að skoða myndband frá 4.-5. bekk (Alors on Dance)   Smellið hér til að skoða myndband frá 4.-5. bekk ( Dynamite)

Ef veður eru válynd er reglan sú að  foreldrar meta hvort þeir treysta börnunum í eða úr skóla. Starfsfólk er til taks í skólanum en skóla er ekki aflýst nema í allra verstu veðrum, og er það þá gert með auglýsingu í útvarpi fyrir alla grunnskóla Akureyrarbæjar. Ef foreldrar meta það svo að þeir treysti ekki barni sínu í skólann þá eru þeir beðnir um að tilkynna það og skráð verður leyfi á barnið. Bresti á með vont veður á skólatíma og foreldrar treysta barni sínu ekki til að fara sjálft heim eru þeir beðnir um að ná í barnið og láta skólann jafnframt vita að það verði sótt.

Fréttabréf janúarmánaðar er komið út og má nálgast það hér....