Fréttir

Á þemadögunum okkar fólst ein stöðin í því að búa til myndbönd við vel valin jólalög..  Afraksturinn varð tvö myndbönd sem má sjá með því að smella á tenglana hér fyrir neðan en þarna má reyndar líka sjá ýmislegt sem krakkarnir voru að bralla á þemadögunum. Hér er Jólasveinarokk Hér er lagið um Rúdda rokk

11.-12. desember eru umhyggju- og samvinnudagar hjá okkur.  Þá hafa krakkarnir mikið frelsi til að fara vítt og breitt um skólann og velja sér viðfangsefni eftir áhuga.  Að sjálfsögðu er ýmis konar jólastúss fyrirferðarmikið í dagskránni en svo má líka bregða sér í nudd, baka, smíða, perla, púsla, syngja og margt fleira.  Með því að smella hér má sjá margar skemmtilegar myndir sem teknar voru í skólanum okkar þriðjudaginn 11. desember..

Í haust hefur staðið yfir leit að Grenndargralinu með þátttöku frá nemendum á unglingastigi í grunnskólum Akureyrar (sjá hér).  Nú er gripurinn fundinn og það eru tveir nemendur úr 8. bekk Naustaskóla, þær Heiðrún og Sóley, sem urðu hlutskarpastar í leiknum þetta árið!  Það munaði reyndar einungis 15 mínútum á þeim og næsta liði, þeim Ernu Kristínu og Stefaníu en þær unnu einmitt karamellukrukkuna fyrr á tímabilinu.  Við erum auðvitað rígmontin af þessum nemendum okkar og óskum þeim innilega til hamingju!

Gunnar Helgason rithöfundur og leikari kom í heimsókn til okkar og las upp úr nýrri bók sinni.  Honum var auðvitað tekið með kostum og kynjum enda ekki á hverjum degi sem frægt fólk ber að garði.  Hér má sjá nokkrar myndir frá heimsókninni...