Fréttir

Vikuna 10.-14. september verða haldnir morgunfundir með foreldrum.  Þar er um að ræða kynningu fyrir foreldra á starfinu í skólanum, þáttum úr stefnu skólans, hlutverki foreldra í skólastarfinu o.fl. auk þess sem tækifæri gefast til umræðna og fyrirspurna.  Fundirnir verða kl. 8:10-9:10 að morgni, nemendur mæta einnig á sama tíma og venjulega þessa daga nema að nemendur í 8.-10. bekk sem fá að sofa örlítið lengur þann 13. sept.  Fundirnir verða sem hér segir: 2.-3. bekkur föstudaginn 14. september kl. 8:10-9:10 4.-5. bekkur miðvikudaginn 12. september kl. 8:10-9:10 6.-7. bekkur mánudaginn 10. september kl. 8:10-9:10 8.-10. bekkur fimmtudaginn 13. september kl. 8:10-9:10

Fréttabréf og matseðil septembermánaðar má nú nálgast hér....

ADHD samtökin verða á Akureyri þriðjudaginn 4. september með spjallfund / fræðslu fyrir foreldra.  Fundurinn verður kl. 21:00 í Ökuskólanum, Sunnuhlíð 12, á 2. hæð.  Björk Þórarinsdóttir formaður samtakanna og Elín Hoe Hinriksdóttir varaformaður stýra fundinum og eru foreldrar barna í leik-, grunn- og framhaldsskólum hvattir til að mæta. Frír aðgangur.  Nánari upplýsingar má fá hjá Ellen Calmon framkvæmdastjóra ADHD samtakanna í síma 6947864, einnig er minnt á heimasíðu samtakanna http://www.adhd.is

Við minnum á að útivistartíminn frá 1. september til 1. maí fyrir börn 12 ára og yngri er til kl. 20:00.  Útivistarreglurnar eru skv. barnaverndarlögum og mega börn ekki vera á almannafæri eftir ofangreindan tíma nema í fylgd með fullorðnum. Foreldrar og forráðamenn hafa að sjálfsögðu einnig fullan rétt til að stytta þennan tíma...

Á skóladagatalinu okkar er útivistardagur settur á föstudaginn 31. ágúst.  Þar sem meðal annars eru fjallgöngur á dagskránni hjá okkur þann daginn langar okkur að hafa nokkuð tryggt veðurútlit, það er ekki fyrir hendi nú og höfum við því ákveðið að fresta útivistardeginum um óákveðinn tíma.  Hann verður síðan auglýstur með tveggja daga fyrirvara þegar útlitið verður viðunandi...

Fyrsta fréttabréf skólaársins er komið út en þar er að finna hagnýtar upplýsingar varðandi skólabyrjunina. Smellið hér til að opna fréttabréfið.  Gleðilegt nýtt skólaár!

Skólasetning í Naustaskóla verður miðvikudaginn 22. ágúst. Nemendur mæti á eftirfarandi tímum: kl. 10:00 2.-3. bekkurkl. 10:30 4.-5. bekkur kl. 11:00 6.-7. bekkur kl. 11:30 8.-10. bekkurNemendur í 1. bekk og forráðamenn verða boðaðir í viðtöl á skólasetningardaginn eða daginn eftir, tölvupóstur með viðtalstímum verður sendur út föstudaginn 17. ágúst. Á skólasetningunni hitta nemendur umsjónarkennara, fá stundaskrá og fræðast um starfið í vetur. Foreldrar eru velkomnir og við mælumst sérstaklega til þess að foreldrar nýrra nemenda í skólanum fylgi sínum börnum. Þeir foreldrar sem óska eftir viðtali við umsjónarkennara á skólasetningardaginn eru beðnir um að senda ósk um það á ritara skólans; gudrunhuld@akmennt.is Kennsla hefst skv. stundaskrá fimmtudaginn 23. ágúst. Gleðilegt nýtt skólaár!

Frístund–staðfesting fyrir skólaárið 2012-2013, fer fram 14. ágúst kl. 10:00 -15:00 Allir foreldrar barna í 1.- 4. bekk sem ætla að nýta þjónustu Frístundar fyrir börn sín næsta skólaár þurfa að staðfesta skráninguna. Forstöðumaður Frístundar og ritari verða við þriðjudaginn 14. ágúst og taka við staðfestingum.  Staðfesta þarf dvöl í Frístund með undirskrift dvalarsamnings. Þeir sem ekki komast á framangreindum tíma hafi samband við skólann til að ákveða tíma.   Símanúmer Frístundar í Naustaskóla er 460-4111 og netfang forstöðumanns er hrafnhildurst@akmennt.is 

Skólinn annast innkaup á námsgögnum fyrir nemendur og innheimtir gjald fyrir það, en foreldrar þurfa að versla lítillega fyrir nemendur í 4.-10. bekk. Ef einhver óskar eftir að annast öll innkaup sjálfur þarf viðkomandi að hafa samband við skólann og fá ítarlegri lista. Námsgagnagjald haustið 2012 er kr. 3.800 fyrir alla nemendur. Foreldrar eru beðnir um að greiða gjaldið inn á reikning 0159-15-200070, kt. 070372-5099, fyrir 22. ágúst, vinsamlegast setjið nafn barns sem skýringu/tilvísun. Hér má finna innkaupalista fyrir 4.-10. bekk:  - Innkaupalisti 4.-5. bekkjar - Innkaupalisti 6.-7. bekkjar - Innkaupalisti 8.-10. bekkjar

Nú eru nemendur skólans komnir í sumarfrí sem stendur til 22. ágúst. Skrifstofa skólans verður lokuð til 30. júlí en ef þörf krefur má hafa samband við skólastjóra með tölvupósti á netfangið agust@akureyri.is