Fréttir

Foreldraverðlaun Heimilis og skóla – landssamtaka foreldra, verða afhent í 17. sinn við athöfn í  Þjóðmenningarhúsinu miðvikudaginn 16. maí næstkomandi.   Óskað er eftir tilnefningum til Foreldraverðlauna 2012 frá einstaklingum, félögum eða hópum sem vilja vekja athygli á vel unnum verkefnum, sem stuðla að eflingu á skólastarfi og jákvæðu samstarfi heimila og skóla.  Með afhendingu verðlaunanna er vakin eftirtekt á því fjölbreytta starfi sem fer fram í skólum landsins.   Fólk er hvatt til að líta eftir og tilnefna verðug verkefni í sínu nærumhverfi.  Tilnefningar sendist á rafrænan hátt með því að fylla út eyðublað á heimasíðu Heimilis og skóla www.heimiliogskoli.is. Síðasti skiladagur tilnefninga er 1. maí 2012.  Nánari upplýsingar um Foreldraverðlaunin er að finna á heimasíðu samtakanna www.heimiliogskoli.is. Einnig eru veittar upplýsingar á skrifstofu samtakanna í síma 516 0100.

Þriðjudaginn 17. apríl kl. 19:30 mun Guðjón Hauksson halda erindi í Naustaskóla um tölvunotkun og hvað ber að hafa í huga í þeim efnum.  Mælst er til þess að nemendur í 8.-9. bekk og foreldrar þeirra mæti á fundinn en foreldrar yngri barna eru einnig hvattir til að mæta.  Smellið hér til að sjá auglýsingu varðandi þetta..

Á fundi hjá stjórn Fasteigna Akureyrar föstudaginn 13. apríl var eftirfarandi bókað varðandi Naustaskóla: "Áframhald á umræðum um að flýta framkvæmdum við miðjurými skólans og lagt fram minnisblað dags. 2. mars 2012 frá Gunnari Gíslasyni fræðslustjóra Akureyrarbæjar og Ágústi Jakobssyni skólastjóra Naustaskóla með rökstuðningi málsins.  Stjórn Fasteigna Akureyrarbæjar samþykkir að ganga til samninga við SS Byggi ehf um lúkningu á miðjurými skólans á grundvelli fyrirliggjandi einingarverða." Þetta þýðir að við megum eiga von á að hafa bæði matsal og samkomusal í skólanum okkar í haust.  Það eru miklar gleðifréttir fyrir okkur og mun gjörbreyta allri nýtingu á öðrum hlutum hússins og hafa í för með sér mikið hagræði fyrir nemendur og starfsfólk.  Frábærar fréttir!

Fréttabréf ásamt matseðli aprílmánaðar er nú komið á vefinn og má nálgast það hér....

Nú hafa verið auglýstar til umsóknar nokkrar kennarastöður við skólann fyrir næsta vetur.  Um er að ræða umsjónarkennslu, íþróttakennslu og smíðakennslu.  Nánari upplýsingar má nálgast á umsóknarvef Akureyrarbæjar en allar umsóknir þurfa að fara í gegnum þann vef.  Slóðin er:  http://www.akureyri.is/is/stjornkerfid/vinnustadurinn/storf-i-bodi  Umsóknarfrestur er til 30. apríl nk.

Miðvikudaginn 11. apríl 2012 er áætlað að nemendur Naustaskóla fari í Hlíðarfjall til að njóta samveru og útiveru. Þeim nemendum sem ekki geta farið í fjallið af einhverjum ástæðum  verður boðið upp á afþreyingu í skólanum. Nemendur mæta eins og venjulega kl. 8:10 Farið verður frá skólanum sem hér segir:  4.-9. bekkur kl. 08:20   en  1.-3. bekkur kl. 09:00 Lagt verður af stað úr Hlíðarfjalli sem hér segir: 1. – 3. bekkur kl. 11:20  en   4.-9. bekkur kl. 12:00 Þegar komið er í skóla aftur verður matur samkvæmt venju og eftir það er kennsla skv. stundaskrá til kl. 13:15 en þá endar skóladagurinn nema hjá þeim nemendum í 8.-9. bekk sem eru í valgreinum eftir þann tíma.

Eins og allir vita þurftum við að fresta útivistardeginum okkar 21. mars.  Stefnt er að því að útivistardagur í Hlíðarfjalli verði miðvikudaginn 11. apríl.

Í tilefni af 150 ára afmæli Akureyrar munu nemendur Naustaskóla, ásamt fjölmörgum öðrum grunn- og leikskólanemendum, mæta niður í miðbæ föstudaginn 23. mars kl. 10:00.  Þar munum við fagna tímamótunum m.a. með því að syngja saman nokkur lög.  Þeir sem vilja æfa sig til að vera nú alveg vissir á textunum geta nálgast þá hér...