Fréttir

Fyrirhuguðum útivistardegi, sem átti að vera í Naustaskóla föstudaginn 28. ágúst, er frestað um óákveðinn tíma vegna leiðinlegrar veðurspár.  Við grípum tækifærið þegar útlitið er betra og auglýsum það þá með tveggja daga fyrirvara eða svo. En það er semsagt venjulegur skóladagur skv. stundaskrá á föstudag!

Skólasetning verður föstudaginn 21. ágúst.  Nemendur mæti á eftirfarandi tímum:   kl. 10:00 nemendur í 2.-5. bekkkl. 11:00 nemendur í 6.-10. bekk Nemendur í 1. bekk og forráðamenn mæta í viðtöl á skólasetningardaginn eða mánudaginn 24. ágúst, tölvupóstur með upplýsingum varðandi viðtölin hjá 1. bekk verður sendur út á næstu dögum.  Kennsla hjá 2.-10. bekk hefst skv. stundaskrá mánudaginn 24. ágúst en hjá 1. bekk hefst kennsla þriðjudaginn 25. ágúst. Á skólasetningunni hitta nemendur umsjónarkennara, fá stundaskrá og fræðast um starfið í vetur. Foreldrar eru velkomnir og við mælumst sérstaklega til þess að foreldrar nýrra nemenda í skólanum fylgi sínum börnum. Hér má finna fyrsta fréttabréf skólaársins en það hefur að geyma hagnýtar upplýsingar varðandi skólabyrjunina.

Skólinn annast innkaup á námsgögnum fyrir nemendur og innheimtir gjald fyrir það, en foreldrar þurfa að versla lítillega fyrir nemendur í 8.-10. bekk.  Ef einhver óskar eftir að annast öll innkaup sjálfur þarf viðkomandi að hafa samband við skólann og fá ítarlegri lista. Námsgagnagjald ársins er kr. 4.100.- fyrir alla nemendur.  Foreldrar eru beðnir um að greiða gjaldið inn á reikning 565-26-460110, kt. 460110-1140, fyrir 21. ágúst.  Vinsamlegast setjið nafn barns sem skýringu/tilvísun. Nemendur í 4.-7. bekk þurfa að útvega eigin vasareikni til að hafa í skólanum og frá og með 4. bekk er gert ráð fyrir að nemendur séu í skóm í inniíþróttum.  (Allir nemendur þurfa svo að sjálfsögðu að eiga íþrótta- og sundfatnað)Hér má finna innkaupalista fyrir 8.-10. bekk: - Innkaupalisti 8.-10. bekkjar

Sumarfrí nemenda stendur til 21. ágúst þegar skóli verður settur að nýju. Foreldrar munu fá tölvupóst um miðjan ágúst með upplýsingum um skólabyrjunina. Skrifstofa skólans er lokuð frá 22. júní til  4. ágúst.  Á þeim tíma er hægt að senda tölvupóst til skólastjóra agust@akureyri.is ef þörf krefur.Við þökkum nemendum og foreldrum innilega fyrir samstarfið í vetur og hlökkum til að taka upp þráðinn að nýju í lok sumars.

Skólaslit vorið 2015 verða föstudaginn 5. júní sem hér segir:  Nemendur í 1., 3., 5., 7. og 9. bekk mæti á sal skólans kl. 13:00.  Nemendur í 2., 4., 6. og 8. bekk mæti á sal skólans kl. 14:30.  Skólastjóri flytur stutt ávarp og að því búnu hitta nemendur umsjónarkennara, taka við vitnisburði og fara í gegnum námsmöppur með forráðamönnum sínum. Forráðamenn eru því beðnir um að mæta á skólaslitin með börnum sínum.  Nemendur í 10. bekk mæta kl. 17:00 þar sem verður útskriftarathöfn 10. bekkjar.  Foreldar mæta að sjálfsögðu með en aðrir fjölskyldumeðlimir eru einnig velkomnir.

Nú er síðasta fréttabréf skólaársins komið út og hefur það að geyma upplýsingar um dagskrá síðustu daga skólaársins, kennsluteymi næsta vetrar o.fl.  Smellið hér til að opna fréttabréfið..

Vorhátíð Naustahverfis og Naustaskóla 2015 verður haldin fimmtudaginn 28. maí og hefst kl. 16:15. Vegna veðurútlits verður hátíðin í þetta sinn haldin alfarið í og við Naustaskóla Afþreying í boði við Naustaskóla kl. 16:15-18:00· Þrautabraut · Andlitsmálning · Stultur, kastveggur o.fl. · Trúðar · Kubb, o.fl. · Leikir · Sápukúlublástur · Hoppukastalar · Grillaðar pylsur - ókeypis :) Opið hús í Naustaskóla til kl. 19:00· Kaffihús á neðri hæð skólans          o Kaffi / djús / mjólk og vöfflur            o Fullorðnir og unglingar 500 kr.             o 6-12 ára 300 kr. · Tombóla – 100 kr. miðinn · Spákona Allir íbúar hverfisins velkomnir!

Sumarnámskeiðið Sumarlestur – Akureyri bærinn minn er haldið í júní ár hvert og verður svo einnig á komandi sumri og verður það 15. skiptið. Að námskeiðinu standa Amtsbókasafnið og Minjasafnið á Akureyri í samstarfi við aðrar menningarstofnanir bæjarins.  Námskeiðin eru 8.-12.júní, 15-19.júní (frí 17.júní) og 22.-26.júní Sumarlestur er lestrarhvetjandi námskeið fyrir börn í 3. og 4. bekk, með áherslu á menningu og sögu Akureyrar. Rauði þráður námskeiðsins er lestur. Þá er bæði átt við bóklestur en einnig læsi á umhverfið. Lesið verður í minjar og sögu, list og náttúru. Þannig er lesið í lífið og tilveruna alla námskeiðsdagana og jafnvel lengur því vonandi fylgir börnunum áfram sú meðvitund sem vaknar varðandi umhverfi þeirra og sögu. Undir leiðsögn safnfræðslufulltrúa kynnast börnin starfsemi Amtsbókasafnsins, Minjasafnsins og annarra menningarstofnanna. Börnin kynnast starfseminni sem þarna fer fram í samhengi við markmið námskeiðisins. Skráning hefst 26.maí,  kynningarefni verður dreift til nemenda í skólanum. Sé frekari upplýsinga óskað má hafa samband við safnfræðslufulltrúa safnanna Ragna Gestsdóttir á Minjasafninu á Akureyri á netfanginu ragna@minjasafnid.is Herdís Anna Friðfinnsdóttir á Amtsbókasafninu á netfanginu herdisf@akureyri.is