Fréttir

Naustaskóla var slitið í níunda sinn sl. miðvikudag við hátíðlega athöfn á sal skólans. Nokkrir nemendur og kennarar komu fram með tónlistaratriði og ljóðalestur. Nemendur fengu síðan vitnisburð afhentan hjá umsjónakennurum og héldu glaðbeittir út í sumarið. Nemendur í 10. bekk voru 31 þetta árið og var útskriftarathöfn þeirra haldin seinnipart dagsins með tilheyrandi dagskrá og glæsilegu kaffihlaðborði sem níundi bekkur og foreldrar buðu upp á. Nemendur héldu ræðu og sýndu myndband og sögðu frá útskriftarferð sinni og kennararnir Silla og Stefán voru með söngatriði. Við kveðjum frábæran hóp nemenda með söknuði, þökkum þeim fyrir samfylgdina í gegnum árin og óskum þeim velfarnaðar í leik og starfi í framtíðinni. Hér eru nokkrar myndir frá athöfninni.

Í gær og dag vorum vorþemadagar í Naustaskóla. Nemendur skólans skiptust á stöðvar við skólann annan daginn, og nutu náttúrunnar í Kjarnaskógi hinn daginn. Veðrið lék við okkur þessa daga sem gerði útiveruna ánægjulega, bæði fyrir nemendur og starfsfólk.

Stuttmyndakeppnin Stulli fór fram í Rósenborg sl. föstudag. Það voru þær Ásta Þórunn, Sara Elísabet og Jennifer sem unnu keppnina með myndinni "Ekki anda"! Þema myndanna í ár var vísindaskáldskapur og hrollvekjur. Við óskum stúlkunum innilega til hamingju. Hér má sjá nánar um keppnina og hægt að horfa á myndina.