Fréttir

Skólafærninámskeið fyrir foreldra nýnema í Naustaskóla verður haldið miðvikudaginn 19. september kl. 17:00-19:00. Námskeið af þessu tagi eru haldin árlega fyrir foreldra nýnema, en markmiðið með þeim er að fræða foreldra um skólann okkar og grunnskólakerfið almennt. Dagskrá þess verður sem hér segir: Kennarar í 1. bekk kynna kennsluaðferðir og skipulag í 1. bekk. Veittar verða ýmsar upplýsingar tengdar starfsháttum, stefnu og agastefnu Naustaskóla. Kynning á stoðþjónustu, Mentor og upplýsingamiðlun til foreldra. Helga Jónsdóttir, ráðgjafi í Jákvæðum aga, mun kynna fyrir foreldrum Jákvæðan aga, sem er agastefna Naustaskóla. Ætlast er til að foreldrar/forráðamenn nemenda í 1. bekk mæti á námskeiðið. Boðið verður upp á barnagæslu meðan á námskeiði stendur.

Við minnum á að á föstudaginn nk. 14. september er starfsdagur í skólanum og því enginn skóli hjá nemendum. Frístund er lokuð þennan dag.

Útivistardagur á morgun 30. ágúst. Á morgun er útivistardagur í skólanum. Margt spennandi er í boði og eru nemendur búnir að velja hvað þeir ætla að gera. Við biðjum ykkur foreldra að sjá til þess að börnin ykkar hafi viðeigandi útbúnað, veiðistöng ætli þau að veiða, hjálm ef þau ætla að hjóla, góða skó og útivistarfatnað ætli þau í fjallgöngu. Á svona degi þarf gott nesti, allt er leyfilegt nema snakk, sælgæti og gosdrykkir. Að sjálfsögðu klæða sig svo allir eftir veðri. Skóla lýkur á milli kl. 12 og 13, eftir því hvenær börnin koma úr ferðum og klára hádegismat. Frjáls mæting er í valgreinar hjá unglingadeild. Foreldrar eru velkomnir með börnum sínum, hafi þeir tök á því. Bryndís, Alla og Heimir.

Á morgun 21. ágúst - skólasetningardag er boðið upp á gæslu fyrir 1. bekk allan daginn en eftir skólasetningu fyrir nemendur í 2. - 3. og 4. bekk, fyrir þá sem þess óska. Á miðvikudeginum 22. ágúst er einnig boðið upp á gæslu fyrir 1. bekk fyrir hádegi frá kl. 8:00 – 13:00 - eftir hádegi opnar Frístund fyrir þá sem hafa skráð börn sín í gæslu þar. með kveðju Bryndís, skólastjóri

Staðfesting á skráning í Frístund skólaárið 2018-2019 fer fram miðvikudaginn 15. ágúst milli kl. 10:00 og 15:00. Allir foreldrar barna í 1.- 4. bekk sem eru með börn sín skráð og ætla að nýta þjónustu Frístundar fyrir börn sín næsta skólaár staðfesti skráninguna. Nýskráning í Frístund þarf að staðfesta með undirskrift dvalarsamnings. Þeir sem áður hafa undirritaðan samning þurfa að staðfesta dvalartíma. Þeir sem ekki komast þennan dag hafi samband við skólann til að ákveða tíma. Forstöðumaður Frístundar verður við 15. ágúst og tekur við staðfestingum. Sími Frístundar er 460-4111 netfang: hrafnhildurst@akmennt.is Sími Naustaskóla 460-4100 netfang: naustaskoli@akmennt.is

Skólasetning í Naustaskóla verður þriðjudaginn 21. ágúst. Nemendur mæti á eftirfarandi tímum: Kl. 10:00 nemendur í 2.-5. bekk Kl. 11:00 nemendur í 6.-10. bekk. Á skólasetningunni hitta nemendur umsjónarkennara, fá stundaskrá og fræðast um starfið í vetur. Foreldrar eru velkomnir og við mælumst sérstaklega til þess að foreldrar nýrra nemenda í skólanum fylgi sínum börnum. Kennsla hjá 2.-10. bekk hefst skv. stundaskrá miðvikudaginn 22. ágúst en hjá 1. bekk hefst kennsla fimmtudaginn 23. ágúst. Foreldrar barna í 1. bekk fá nánari upplýsingar í bréfi í næstu viku þegar kennarar mæta til starfa.