Fréttir
Brunaæfing í Naustaskóla
24.09.2018
Í morgun fór fram fyrsta brunaæfing vetrarins í Naustaskóla. Nemendur og starfsfólk fengu að þessu sinni að vita af aðgerðinni fyrirfram og í kjölfarið fóru stjórnendur yfir verklag og framkvæmd rýmingarinnar. Nemendur stóðu sig vel og voru fljótir að koma sér út úr húsi í röðum og út á íþróttavöll.
Lesa meira
Ath. Frestun á Norræna skólahlaupinu!
18.09.2018
Því miður verðum við að fresta Norræna skólahlaupinu sem átti að vera á morgun vegna slæmrar veðurspár. Stefnum að því að hlaupa eftir viku eða miðvikudaginn 26. sept.
Lesa meira
Norræna skólahlaupið nk. miðvikudag
17.09.2018
Á miðvikudaginn 19. sept. er Norræna skólahlaupið. Við stefnum að því að allir hlaupi / skokki / labbi milli klukkan 10 og 11.
Að sjálfsögðu biðjum við alla að koma vel klædd til útiveru og hreyfingar, t.d. góða skó.
Kveðja,
íþróttakennarar
Lesa meira
Ath. frestun á skólafærninámskeiði!
17.09.2018
Ath. frestun á skólafærninámskeiði!
Af óviðráðanlegum orsökum þá frestum við skólafærninámskeiðinu fyrir foreldra 1. bekkjar sem vera átti miðvikudaginn 19. september. Nýr tími fyrir námskeiðið verður mánudaginn 1. október kl. 17 – 19. Boðið er upp á barnagæslu á meðan námskeiðið stendur.
með kveðju Bryndís skólastjóri.
Lesa meira
Skólafærninámskeið fyrir foreldra nýnema í Naustaskóla
12.09.2018
Skólafærninámskeið fyrir foreldra nýnema í Naustaskóla verður haldið miðvikudaginn 19. september kl. 17:00-19:00.
Námskeið af þessu tagi eru haldin árlega fyrir foreldra nýnema, en markmiðið með þeim er að fræða foreldra um skólann okkar og grunnskólakerfið almennt. Dagskrá þess verður sem hér segir: Kennarar í 1. bekk kynna kennsluaðferðir og skipulag í 1. bekk. Veittar verða ýmsar upplýsingar tengdar starfsháttum, stefnu og agastefnu Naustaskóla. Kynning á stoðþjónustu, Mentor og upplýsingamiðlun til foreldra.
Helga Jónsdóttir, ráðgjafi í Jákvæðum aga, mun kynna fyrir foreldrum Jákvæðan aga, sem er agastefna Naustaskóla.
Ætlast er til að foreldrar/forráðamenn nemenda í 1. bekk mæti á námskeiðið. Boðið verður upp á barnagæslu meðan á námskeiði stendur.
Lesa meira
Starfsdagur á föstudag - Frístund lokuð!
12.09.2018
Við minnum á að á föstudaginn nk. 14. september er starfsdagur í skólanum og því enginn skóli hjá nemendum. Frístund er lokuð þennan dag.
Lesa meira
Útivstardagurinn tókst vel
31.08.2018
Í gær var útivastardagur í Naustaskóla og tókst hann með ágætum. Við vorum afskaplega heppin með veðrið þó spáin hafi ekki verið sérstök fyrr í vikunni, fengum sól og blíðu þó hitastigið hafi ekki verið hátt. Flestir gátu fundið eitthvað við sitt hæfi og var m.a. gengið á Súlur og upp að Skólavörðu. Einhverjir hjóluðu inn í Hrafnagil og fóru í sund þar og hjóluðu til baka og annar hópur hjólaði inn í Kjarnaskóg og fór í hina stórskemmtilegu hjólabraut. Stór hópur fór í veiðiferð á bryggjuna, aðrir í göngu í bænum og enduðu í sundlaug Akureyrar og yngstu nemendurnir nutu sólar og léku sér í Lystigarðinum. Hér má sjá nokkrar myndir þaðan.
Lesa meira
Útivistardagur á morgun fimmtudag 30. ágúst
29.08.2018
Útivistardagur á morgun 30. ágúst.
Á morgun er útivistardagur í skólanum. Margt spennandi er í boði og eru nemendur búnir að velja hvað þeir ætla að gera. Við biðjum ykkur foreldra að sjá til þess að börnin ykkar hafi viðeigandi útbúnað, veiðistöng ætli þau að veiða, hjálm ef þau ætla að hjóla, góða skó og útivistarfatnað ætli þau í fjallgöngu. Á svona degi þarf gott nesti, allt er leyfilegt nema snakk, sælgæti og gosdrykkir. Að sjálfsögðu klæða sig svo allir eftir veðri.
Skóla lýkur á milli kl. 12 og 13, eftir því hvenær börnin koma úr ferðum og klára hádegismat. Frjáls mæting er í valgreinar hjá unglingadeild.
Foreldrar eru velkomnir með börnum sínum, hafi þeir tök á því.
Bryndís, Alla og Heimir.
Lesa meira
Translate