Naustaskóli

Skólahreysti

Tue, 28 Apr 2026 22:53:00 +0000

Nemendur Naustaskóla keppa í Skólahreysti á morgun, miðvikudaginn 29. apríl. Keppnin fer fram í íþróttahöllinni og hefst kl. 20. Hvetjum alla til þess að mæta á svæðið og sýna þeim stuðning Húsið opnar kl. 19:00. Þeir sem vilja geta líka horft á k...

Hæfileikakeppni Akureyrar 2026

Tue, 14 Apr 2026 11:43:00 +0000

Hæfileikakeppni Akureyrar 2026 verður haldin þann 22.apríl kl 16-18. Endilega skoðið þetta með börnunum ykkar og hjálpið þeim að skrá sig. Skráning fer fram hér: https://eu.jotform.com/210744037735353 og hefur verið farmlengd til 20.apríl. Hæfileikakeppni Akureyrar er fastur liður í árlegri barnamenningarhátíð bæjarins. Hæfileikakeppni Akureyrar er árlegur viðburður fyrir börn í 5. - 10. bekk. Eins og orðið hæfileikakeppni gefur til kynna er um að ræða fjölbreytta keppni enda geta hæfileikar verið afar fjölbreyttir. Dæmi um atriði sem gætu skráð sig til leiks geta verið á sviði sönglistar, leiklistar, danslistar, töfrabragða og hljóðlistar svo eitthvað sé nefnt. Atriðin geta verið einstaklingsatriði, paraatriði eða hópatriði. Með viðburðinum viljum við vinna með styrkleika og og hæfileika barna og unglinga. Slíkur viðburður getur verið vettvangur fyrir ungt fólk á Akureyri til þess að koma sér á framfæri en fyrst og fremst er um að ræða mikilvægan stökkpall fyrir einstaklinga til þess að stíga út fyrir þægindarammann sinn.

Skipulag árshátíðar á morgun, fimmtudag

Wed, 25 Mar 2026 10:15:00 +0000

Nú er allt að verða tilbúið fyrir árshátíðina okkar á morgun. Í fréttabréfi mánaðarins var skipulag dagsins sent út varðandi sýningar og veitingar. https://app.smore.com/n/f0bnw Hlökkum til að fá ykkur í heimsókn!

Upplestrarkeppnin Upphátt

Tue, 10 Mar 2026 09:52:00 +0000

Upplestrarkeppnin Upphátt verður haldin í Brekkuskóla kl. 15 í dag! Fyrir okkar hönd keppa Gísli Örn og Hrafnhildur Guðný Óskum þeim góðs gengis!

Glæsileg forkeppni Upphátt í 7. bekk

Tue, 03 Mar 2026 12:56:00 +0000

Í dag fór fram forkeppni Upphátt, upplestrarkeppni 7. bekkjar, og var mikil eftirvænting í loftinu. Nemendur lásu valda sögukafla og ljóð af mikilli list á sal skólans og stóðu sig öll með stakri prýði. Undirbúningurinn var í öruggum höndum kennarann...

Skóladagatal 2026-2027

Mon, 02 Mar 2026 16:05:00 +0000

Hér má sjá skóladagatal Naustaskóla 2026-2027

Glitrum saman á morgun, föstudaginn 27. febrúar

Thu, 26 Feb 2026 15:08:00 +0000

Dagur sjaldgæfra sjúkdóma og heilkenna Í tilefni af deginum langar okkur að klæðast einhverju glitrandi eins og glimmeri og palíettum. Gaman væri ef nemendur tækju þátt í deginum. Allt sem er litríkt og glitrar er skemmtilegt og minnir okkur á að við erum alskonar. Dagur sjaldgæfra sjúkdóma og heilkenna er föstudaginn 27. febrúar

600 Mathöll - matarferðalag um heiminn

Mon, 09 Feb 2026 23:25:00 +0000

Á dögunum átti sér stað stórglæsilegur viðburður í Naustaskóla þegar nemendur í 10. bekk opnuðu dyrnar að „600 Mathöll“. Viðburðurinn var mikilvægur liður í fjáröflun bekkjarins en var um leið mikil hátíð fyrir bragðlaukana. Ljóst var að eftirvænting...

600 Mathöll - matarferðalag um heiminn

Thu, 05 Feb 2026 08:32:00 +0000

Nemendur í 10. bekk í Naustaskóla bjóða gestum og gangandi á fjáröflunarviðburðinn: 600 Mathöll. Fimmtudaginn 5. febrúar frá kl. 17 - 20 (lokum fyrr ef maturinn klárast) Viðburðurinn er lokahnykkurinn í metnaðarfullu samstarfi kennara og nemenda þ...

Minnum á starfsdaginn miðvikudaginn 21. janúar

Tue, 20 Jan 2026 08:51:00 +0000

Starfsdagur miðvikudaginn 21. janúar og því enginn skóli. Frístund verður lokuð fyrir hádegi. Frístund opnar kl. 13:00

Ilmandi sköpunargleði í Listasafni Akureyrar

Tue, 13 Jan 2026 09:19:00 +0000

Á dögunum áttu nemendur í 4-5. bekk dásamlega stund þegar þeir héldu í heimsókn í Listasafnið. Tilefnið var sérstaklega spennandi, því hópurinn tók þátt í lifandi vinnustofu undir dýrmætri leiðsögn Sunnu Svavarsdóttur, sem var gestalistamaður safnsins. Það ríkti mikil eftirvænting í hópnum þegar komið var á staðinn og verkefni dagsins var kynnt fyrir öllum viðstöddum.

Jólin í Naustaskóla

Mon, 05 Jan 2026 22:32:00 +0000

Í Naustaskóla er alltaf jólaþemadagur í desember. Þá eru settar upp fjölbreyttar stöðvar, nemendur fara á milli stöðva og velja sér viðfangsefni. Jólaþemadagurinn í ár gekk mjög vel og voru nemendur almennt sáttir og sælir með daginn. Hurðaskreyting...

Litlu jól - skipulag

Wed, 17 Dec 2025 13:38:00 +0000

Litlu jólin verða haldin í skólanum nk. föstudag en þá mæta nemendur í 1.-7. bekk kl. 08:10. 4. bekkur sýnir helgileik kl. 08:30 á sal og svo ganga allir í íþróttasalinn þar sem verður dansað kringum jólatré. Kl. 09:30 fara allir inn á sín svæði og halda stofujól með sínum kennurum. Kl. 10:10 fara nemendur heim í jólafrí en frístund er opin fyrir þá sem þar eru skráðir. Nemendur í 8.-10. bekk halda sín Litlu jól fimmtudaginn kl. 17:30 með sínum kennurum.

Jólaþemadagur 16. desember - myndir

Tue, 16 Dec 2025 14:40:00 +0000

Hér má sjá nokkrar myndir frá skemmtilegum jólaþemadegi í dag, þriðjudaginn 16. desember, þar sem nemendur unnu á stöðvum um allan skóla við ýmiskonar föndur og skreytingar. Það má með sanni segja að skólinn okkar sé mikið og fallega skreyttur! Efir hátíðarmat í hádeginu voru svo sungin nokkur jólalög undir stjórn Björns Vals Gíslasonar.

Handboltamót hjá 5. og 6. bekk

Wed, 19 Nov 2025 08:59:00 +0000

Í gær var haldið skólamót í handbolta í KA heimilinu fyrir 5. og 6. bekk í skólum bæjarins. Naustaskóli mætti með nokkur lið og stóðu sig vel, lið drengja í 5. bekk náðu öðru sæti í sínum flokki. Það var mikið fjör og stemming eins og sjá á á meðfylgjandi myndum.

Nemendadagur 2025

Mon, 10 Nov 2025 15:15:00 +0000

Nemendadagurinn var í dag og var margt brallað að venju. Alls kyns stöðvar voru settar upp víðsvegar um skólann þar sem nemendur fengu að spreyta sig við hinar og þessar þrautir og verkefni. Meðal stöðva var til dæmis fjársjóðsleit, skutlukeppni, limbó, fígúrugerð og skotfimi. Íþróttakeppnir voru haldnar milli starfsfólks og nemenda og var keppt í fótbolta, körfubolta og blaki og höfðu starfsmenn betur eftir harða keppni í öllum greinum. Hápunktur dagsins var svo hæfileikakeppni nemenda og voru mjög mörg atriði á sviðinu sýnd fyrir fullum sal. Dómnefndin, sem var skipuð starfsfólki og nemendum úr 10. bekk, átti fullt í fangi með að dæma atriðin og valdi að lokum í þrjú efstu sætin. Í þriðja sæti voru drengir úr 10. bekk, þeir Haukur, Siggi Nói, Ísak, Kristdór og Gabríel. Í öðru sæti var Bríet Tinna með dansatriði og í fyrsta sæti var trommuleikarinn Júlíus. Hér má sjá myndir frá þessum skemmtilega degi.

Árangursríkir þemadagar

Mon, 27 Oct 2025 14:55:00 +0000

Nú eru árangursríkir og skemmtilegir dagar að baki! Í síðustu viku voru þemadagar, en þemað í ár var námsaðlögun og skapandi nám í gegnum upplýsingatækni og listgreinar. Starfsfólk skólans lagði mikið kapp í það að setja upp stöðvar sem opnuðu augu ...

Vegna kvennafrídags á morgun

Thu, 23 Oct 2025 12:30:00 +0000

Kæru foreldrar Á morgun 24. október er kvennafrídagurinn 50 ára og haldið verður upp á það með samstöðufundi á Ráðhústorgi kl. 11:15. Mikil hvatning er í samfélaginu til kvenna og kvára að taka þátt í hátíðarhöldunum og er vilji sveitarfélagsins að gera sem flestum kleift að sækja fundinn. Vegna þess mun Naustaskóli fella niður kennslu hjá öllum bekkjum kl. 10:50. Við óskum eftir því að foreldrar barna í 1. – 3. bekk sæki börnin sín í skólann. Frístund er lokuð eftir hádegi vegna manneklu. Stjórnendur Naustaskóla

Fyrirlestur fyrir foreldra á vegum félagsmiðstöðvanna

Thu, 23 Oct 2025 11:14:00 +0000

Félagsmiðstöðvar á Akureyri bjóða foreldrum á fyrirlesturinn Hvernig á ég að ræða við unglinginn minn um kynlíf? Þriðjudaginn 28.október kl. 20:00 í Lundarskóla bjóða félagsmiðstöðvarnar á Akureyri foreldrum á fyrirlestur um kynlíf og klám með Siggu Dögg kynfræðingi. Í því upplýsingasamfélagi sem við lifum í, gegna ólíkir miðlar sífellt stærra uppeldishlutverki í lífi barna og unglinga. Kynfræðsla er ekki lengur einungis bundin við þá fræðslu sem skóli og foreldrar veita, heldur hefur hún í auknum mæli færst yfir til fjölmiðla. Markaðssetning á kynlífi sem er ætlað að höfða til barna og unglinga hefur aukist mjög á síðustu árum, til dæmis á netinu, í tónlistarmyndböndum, sjónvarpsþáttum og kvikmyndum. Börn og unglingar fá mörg misvísandi skilaboð um kynlíf úr fjölmiðlum sem leitt geta til ranghugmynda um það hvað telst vera eðlilegt kynlíf. Þessi þróun undirstrikar mikilvægi uppeldishlutverks foreldra og að þeir leggi grunn að gildismati barna sinna á þessu sviði. Börn og foreldrar þurfa að ræða saman um kynlíf, eins og hvern annan málaflokk. Skoðanir og gildi foreldra gagnvart kynlífi eru börnum og unglingum nauðsynlegt mótvægi við þeim misvísandi og villandi upplýsingum sem þau hafa greiðan aðgang að. Kynlíf er eðlilegur hluti af lífinu. Kynfræðsla fyrir börn og unglinga gerir þeim betur kleift að takast á við eigin tilfinningar og taka ákvarðanir sem stuðla að eigin kynheilbrigði. Með góðri fræðslu eru unglingar betur undir það búnir að takast á við þann félagslega þrýsting sem er í umhverfinu og þeir eru líklegri til að geta myndað gott og heilbrigt ástarsamband í framtíðinni. Þekking á kynlífi getur hjálpað þeim að vernda sig gegn kynferðislegri misnotkun og fyrir því að misnota aðra. Eðlilegt að fjölskyldan ræði um kynlíf Fjölskyldan er ein sterkasta fyrirmynd barna og unglinga. Frá unga aldri hafa foreldrar samskipti við börn sín og miðla þekkingu til þeirra með beinum og óbeinum hætti. Umræða um kynlíf og allt sem því viðkemur er mikilvæg á öllum heimilum. Opin og góð umræða um kynlíf á heimilinu skilar sér m.a. í því að: - börn byrja seinna en ella að stunda kynlíf og eru ábyrgari þegar þau byrja - minni líkur eru á að þau sjái eftir því að hafa stundað kynlíf - minni líkur eru á ótímabærum þungunum og ofbeldi - minni líkur eru á kynsjúkdómum Kynfræðsla og opinská umræða um kynlíf skilar sér því í aukinni þekkingu og meðvitaðri ákvörðunartöku ungs fólks um kynlíf. Hægt er að skoða heimasíðu Siggu Daggar á www.betrakynlif.is

Þemadagar í Naustaskóla

Wed, 22 Oct 2025 00:15:00 +0000

Árangursríkir og skemmtilegir dagar að baki! Í síðustu viku voru þemadagar þar sem starfsfólk skólans bauð upp á fjölbreyttar stöðvar fyrir nemendur þar sem þemað í ár var námsaðlögun og skapandi nám í gegnum upplýsingatækni og listgreinar. Markmið daganna var að skerpa á og kynna leiðir til þess að efla nemendur í sjálfstæðum vinnubrögðum og skapandi námi, með sérstökum fókus á upplýsingatækni og listgreinar. Nemendur heimsóttu ýmsar stöðvar þar sem þeir fengu tækifæri til að prófa eitthvað nýtt og öðlast nýja kunnáttu á skemmtilegan hátt. Lögð var mikil áhersla á að allir hefðu gagn og gaman af því að brjóta upp hefðbundnar stundatöflur og upplifa skólann á nýjan hátt.