Skipulag foreldrastarfs við Naustaskóla er með þeim hætti að mælst er til að hver árgangur standi fyrir þremur uppákomum yfir
veturinn. Stjórn Foreldrafélagsins skiptir foreldrum hvers árgangs í þrjá hópa og hver hópur sér um eina uppákomu
(fyrir allan árganginn), viðmiðið er að fyrsta uppákoman sé í október/nóvember, næsta uppákoma sé í
janúar/febrúar og sú síðasta í mars/apríl. Í hverjum hópi er eru foreldrar eins barns ábyrgir fyrir að kalla hópinn
saman en að öðru leyti bera foreldrar jafna ábyrgð á framkvæmd atburðanna, og ef sá sem á að kalla hópinn saman gleymir sér
bera hinir í hópnum ábyrgð á að minna hann á eða boða til fundar.
(Bent er á að til að kalla saman foreldrahópinn er gott að nota fjölskylduvef mentor.is, þá er smellt á hlekkinn "bekkjarlisti" síðan er
hægt að haka við þá foreldra sem við á og senda póst á allan hópinn með einni aðgerð)
Foreldrafélagið hefur sett upp ramma með tillögum um hvað sé hægt að gera á hverju tímabili. Foreldrum er frjálst að
bregða út frá þessum ramma en Foreldrafélagið leggur áherslu á að móta hefðir í hverjum árgangi þannig
að hægt sé að ganga að einhverjum uppákomum vísum. Þær uppákomur eru dökkletraðar í töflunni hér fyrir
neðan.
Mælt er með að stilla kostnaði í hóf þannig að allir geti tekið þátt t.d. með því að allir taki með eitthvað
smálegt á hlaðborð.
|
|
Október – nóvember |
Janúar – febrúar |
Apríl – maí |
|
1. bekkur |
Spilakvöld/náttfatakvöld |
Uppákoma með kennurum |
Naustaborgir |
|
2. bekkur |
Spilakvöld/náttfatakvöld |
leikir |
Hestaferð |
|
3. bekkur |
Spilakvöld/náttfatakvöld |
Bingó |
Naustaborgir |
|
4. bekkur |
Spilakvöld/náttföt |
Kiðagil |
Naustaborgir |
|
5. bekkur |
Myndbandakvöld |
Hæfileikakvöld |
Veiðiferð/dorgveiði |
|
6. og 7. bekkur |
Myndbandakvöld |
Spilakvöld |
Reykjaskóli/gisting í Naustaskóla |
|
8. bekkur |
Spilavist |
Þorrablót |
Útivist |
Með því að smella á tengilinn hér fyrir neðan má nálgast skjal með nafnalistum hvers árgangs. Foreldrar þeirra barna sem eru með gullitað nafn sjá um að boða aðra foreldra í sínum hóp á fund til að undirbúa bekkjarkvöldið. Þeir bera þó ekki meiri ábyrgð en aðrir foreldrar á bekkjarkvöldinu sjálfu .
Við undirbúning getur verið gott að styðjast við "Foreldrabankann" en það er mappa sem hægt er að nálgast hjá ritara/stjórnendum skólans. Þar er að finna hagnýt ráð og uppástungur að bekkjarkvöldum. Ef frekari upplýsingar vantar er foreldrum velkomið að snúa sér til stjórnar Foreldrafélagsins.
Smellið á tengilinn hér fyrir neðan til að nálgast nafnalista hvers hóps fyrir sig:
